Siyosat

Oʻzbekiston prezidenti davlat xavfsizlik xizmati toʻgʻrisidagi qonun maʼqullandi

© Press-slujba prezidenta UzbekistanaPrezident Shavkat Mirziyoyev
Prezident Shavkat Mirziyoyev - Sputnik Oʻzbekiston, 1920, 30.05.2021
Oʻzbekiston prezidenti davlat xavfsizlik xizmati toʻgʻrisidagi qonunni qabul qilish zarurati bir qator omillar bilan asoslanadi.
TOSHKENT, 30 may — Sputnik. 29 may kuni Oʻzbekiston Oliy majlisi Senatining XV yalpi majlisida senatorlar "Oʻzbekiston prezidenti davlat xavfsizlik xizmati toʻgʻrisida"gi qonunni maʼqulladi. Bu haqda Senat matbuot xizmati xabar qildi.
Qonunni qabul qilish zarurati 2018 yilning yanvar oyida tashkil etilgan Oʻzbekiston prezidenti davlat xavfsizlik xizmati faoliyati davlat rahbarining yopiq qarorlari bilan tartibga solingani, ochiq tarzdagi normativ-huquqiy hujjatlar mavjud emasligi bilan asoslangan.
Shuningdek, prezident davlat xavfsizlik xizmati maxsus vakolatli organ hisoblanib, qoʻriqlanuvchi shaxslarning xavfsizligini taʼminlash maqsadida huquqiy, tashkiliy, qoʻriqlash, rejim, tezkor-qidiruv, muhandislik-texnik va boshqa tadbirlar majmuini amalga oshiradi.
Avtomobil natsionalnoy gvardii Uzbekistana - Sputnik Oʻzbekiston, 1920, 24.02.2021
Siyosat
Milliy gvardiya mamlakatni “yangicha” qoʻriqlaydi – asosiy oʻzgarishlar
Bunda prezident davlat xavfsizlik xizmati tezkor-xizmat faoliyatining alohida jihatlari jismoniy va yuridik shaxslarning huquq va qonuniy manfaatlariga toʻgʻridan-toʻgʻri taʼsir etadi. Xususan, prezident davlat xavfsizlik xizmati oʻziga yuklatilgan vazifalarni bajarish jarayonida qoʻriqlanuvchi shaxslar manfaatlarini koʻzlab, qoʻriqlash tadbirlari oʻtkazilayotgan joylarda erkin harakatlanishni, qoʻriqlanuvchi shaxslarning boʻlish obʼyektlari atrofida va harakatlanish yoʻnalishlarida turli xil obʼyektlarning qurilishi va rekonstruktsiyasini, qoʻriqlanuvchi shaxslarga va ular boʻlish obʼyektlarida xizmat koʻrsatishga bevosita jalb etilgan tashkilotlarning mehnat faoliyati amalga oshirilishini va boshqa harakatlarini cheklaydi.
Bundan tashqari, prezident davlat xavfsizlik xizmati harbiy xizmatchilari hamda qoʻriqlanuvchi shaxslarning xavfsizligini taʼminlashga jalb etilgan boshqa huquqni muhofaza qiluvchi organ va kuch ishlatuvchi tuzilmalar xodimlari tomonidan xizmat vazifalarini bajarish chogʻida oʻq otar qurolni qoʻllashning aniq tartibi belgilanmagan.
Shu munosabat bilan Qonunda quyidagi masalalarni tartibga solish koʻzda tutilgan. Xususan:
qoʻriqlanuvchi shaxslarning xavfsizligini taʼminlash sohasida qoʻllaniladigan umumeʼtirof etilgan tushunchalar va atamalar, ularning mazmunini sharhlash va toʻgʻri qoʻllash maqsadida ushbu faoliyat turining printsiplari;
qoʻriqlanishi belgilangan qoʻriqlanuvchi shaxslarning toifasi;
prezident davlat xavfsizlik xizmatining maqomi, asosiy vazifalari, huquq va majburiyatlari, qoʻriqlanuvchi shaxslarning xavfsizligini taʼminlash sohasida boshqa davlat organlari bilan xamkorlik qilish masalalari;
prezident davlat xavfsizlik xizmatining shaxsiy tarkibini butlash tartibi, harbiy xizmatchilarining maqomi, huquq va majburiyatlari;
prezident davlat xavfsizlik xizmati xodimlari tomonidan haqiqiy harbiy xizmat oʻtashning alohida jihatlari, ularga harbiy unvon berish va kasbiy tayyorgarligini tashkil etish;
prezident davlat xavfsizlik xizmati xodimlarining huquqiy va ijtimoiy himoyasi kafolatlari;
prezident davlat xavfsizlik xizmati xodimlarini xizmat guvohnomalari, jetonlar va harbiy kiyim-kechak bilan taʼminlash masalalari;
prezident davlat xavfsizlik xizmati xodimlari tomonidan jismoniy kuch ishlatish, maxsus vositalar, sovuq yoki oʻqotar qurol qoʻllanilishining batafsil shartlari va tartibi;
prezident davlat xavfsizlik xizmati faoliyatini nazorat qilish tartibi nazarda tutilmoqda.
Taʼkidlanishicha, qonun Oʻzbekiston prezidenti davlat xavfsizlik xizmatining huquqiy asoslarini takomillashishiga, amaldagi qonun hujjatlari va yurtimizda barcha sohalarda olib borilayotgan islohotlarga uygʻunlashishiga xizmat qiladi.
Shavkat Mirziyoyev i oxrana - Sputnik Oʻzbekiston, 1920, 05.12.2020
OAV: Oʻzbekiston prezidenti davlat xavfsizlik xizmatiga yangi rahbar tayinlandi
Prezident davlat xavfsizlik xizmati 2018 yil fevral oyida tashkil etilgan. 2019 yil avgustida Davlat xavfsizlik xizmatining prezident, uning oila aʼzolari, shuningdek xorijiy davlatlar rahbarlarini Oʻzbekistonga tashriflari chogʻida himoya qilish boʻyicha vakolatlari Prezident davlat xavfsizlik xizmatiga oʻtkazilgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala