Sirdaryodagi dalalardan birida butkul kuyib ketgan jasad topildi

Obuna bo‘lish
Mirzaobod tumanida 100 foiz kuyib ketgan jasad topilgan. O‘ta shafqatsizlik bilan qasddan odam o‘ldirish moddasi bilan jinoyat ishi ochilgan.
TOShKENT, 30-may — Sputnik. Sirdaryo viloyatining Mirzaobod tumanida 100 foiz kuyib ketgan jasad topilgani haqidagi xabar yuzasidan Bosh prokuratura matbuot kotibi ma’lumot berdi.
Avvalroq ijtimoiy tarmoqlarda katta ehtimol bilan o‘rta yoshlardagi erkak kishining 100 foiz kuygan — yoqib yuborilgan jasadi kuni kecha 28-may kuni kunduzi (tushdan keyin) Mirzaobod tumani hududidagi dalalardan birida topilgani haqidagi xabarlar tarqalgan edi.
Holat yuzasidan Jinoyat kodeksining 97-moddasi 2-qismi “j” bandi (O‘ta shafqatsizlik bilan qasddan odam o‘ldirish) bilan jinoyat ishi qo‘zg‘atilgan.
Hozirda Sirdaryo viloyati prokuraturasi va Ichki ishlar boshqarmasining malakali xodimlaridan iborat tezkor-tergov guruhi jinoyatni fosh etish choralarini ko‘rmoqda.
Yangiliklar lentasi
0