Iqtisod

Shavkat Mirziyoyev Sherobod quyosh elektr stantsiyasi qurilishini boshlab berdi

© Press-slujba prezidenta UzbekistanaPrezident Uzbekistana Shavkat Mirziyoyev dal start stroitelstvu solnechnoy fotoelektricheskoy stantsii v Sherabadskom rayone Surxandarinskoy oblasti
Prezident Uzbekistana Shavkat Mirziyoyev dal start stroitelstvu solnechnoy fotoelektricheskoy stantsii v Sherabadskom rayone Surxandarinskoy oblasti - Sputnik Oʻzbekiston, 1920, 01.06.2021
Stantsiya uchun 601 gektar maydon ajratilgan. Uni 2023 yil avgustda ishga tushirish rejalashtirilgan.
TOSHKENT, 1 iyun — Sputnik. Prezident Shavkat Mirziyoyev 1 iyun kuni Surxondaryo viloyatiga kelib, Sherobod tumanidagi quyosh fotoelektr stantsiyasi qurilishiga tamal toshi qoʻydi.
Loyiha doirasida Birlashgan Arab Amirliklarining “Masdar” kompaniyasi quvvati 457 MVt boʻlgan quyosh fotoelektr stantsiyasini quradi. Shuningdek, 220 kVt kuchlanishli yangi nimstantsiya va “Surxon” nimstantsiyasiga ulanish uchun 52 kilometrlik elektr uzatish tarmogʻi barpo etiladi.
Stantsiya uchun 601 gektar maydon ajratilgan. “Masdar” kompaniyasi 260 million dollar toʻgʻridan-toʻgʻri investitsiya jalb qiladi. Stantsiyaning yillik ishlab chiqarish hajmi 1,04 milliard kVt/soatni tashkil etadi.
Buning natijasida yiliga 340 million kub metr tabiiy gaz tejalib, 300 mingta xonadon elektr energiyasi bilan taʼminlanadi.
Fotoelektr stantsiyasi qurilishida ming kishi, bitganidan keyin 120 nafar mutaxassis ishlaydi. Ushbu yirik inshootni 2023 yil avgustda ishga tushirish rejalashtirilgan.
“Har bir kilovatt-soat elektr energiyasini 1,8 tsent narxida sotib olish imkoniyati paydo boʻlib, bu respublikamiz iqtisodiyoti uchun juda katta yutuq va aholiga yengillikdir” - dedi prezident.
Ushbu loyiha Oʻzbekiston hukumati tomonidan Osiyo taraqqiyot banki koʻmagida amalga oshirilayotgan umumiy quvvati 1 GVt boʻlgan quyosh fotoelektr stantsiyalarini qurish dasturining bir qismi hisoblanadi.
Solntse dengi berejet Zaglushka - Sputnik Oʻzbekiston, 1920, 21.04.2021
Infografika
Quyosh pul tejashda yordam beradi
Shuningdek, Samarqand va Jizzax viloyatlarida quvvati 200 megavattdan boʻlgan quyosh fotoelektr stantsiyalari, Qoraqalpogʻistonning Beruniy va Qoraoʻzak tumanlarida quvvati 100 megavatli shamol elektr stantsiyalari, Buxoro va Navoiyda umumiy quvvati bir yarim ming megavatt boʻlgan 3 ta shamol elektr stantsiyalarini qurish boʻyicha kelishuvlar imzolangan.
Oʻzbekiston 2030 yilga borib quyosh elektr stantsiyalari quvvatlarini 5 ming, shamol elektr stantsiyalarini 3 ming va gidroelektr stantsiyalar quvvatini 4 ming megavattga yetkazishni oʻz oldiga maqsad qilib qoʻygan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala