Dunyoda

YEI “Sputnik V” vaktsinasida hech qanday kamchilik topmadi - RFPI

© Sputnik / Abid Majar / Fotobankka oʻtishMeditsinskiy rabotnik derjit v rukax ampulu s rossiyskim preparatom ot koronavirusnoy infektsii "Gam-Kovid-Vak" ("Sputnik V")
Meditsinskiy rabotnik derjit v rukax ampulu s rossiyskim preparatom ot koronavirusnoy infektsii Gam-Kovid-Vak (Sputnik V) - Sputnik Oʻzbekiston, 1920, 04.06.2021
YEMA ushbu yilning 4 martidan buyon "Sputnik V" vaktsinasini bosqichma-bosqich sinovdan oʻtkazmoqda. Yakuniy natija Rossiyada inspektorlik tekshiruvlaridan soʻng eʼlon qilinadi.
TOSHKENT, 4 iyun — Sputnik. Yevropaning dori vositalari boʻyicha agentligi (YEMA) Rossiyaning COVID-19ga qarshi "Sputnik V" vaktsinasini tekshirish vaqtida ishlab chiqarish va klinik jihatdan hech qanday jiddiy kamchiliklar aniqlay olmadi.
Bu haqida Rossiya Toʻgʻridan-toʻgʻri investitsiyalar fondi rahbari Kirill Dmitriyev Sankt-Peterburgdagi xalqaro iqtisodiy forumda hikoya qilib berdi. Dmitriyev YEMAning texnik mutaxassislari ishini alohida taʼkidlab oʻtdi.
“YEMAning texnik xizmati hozircha hech qanday jiddiy kamchilik topmadi. Shu bilan birga "Sputnika V"ga qarshi qator siyosiy chiqishlar va dezinformatsion kampaniya olib borilmoqda”, - dedi fond rahbari.
Rossiyada ishlab chiqilgan preparatni roʻyxatdan oʻtkazish vaqtida jarayon siyosiylashmagan boʻladi deb umid qilaman, deydi Dmitriyev.
Eslatib oʻtamiz, Rossiya SSV 2020 yilning avgust oyida dunyoda birinchi koronavirusga qarshi "Sputnik V" vaktsinasini roʻyxatdan oʻtkazgan edi. Bugungi kunda ushbu vaktsina dunyoning 66 mamlakatida roʻyxatdan oʻtkazilgan.
"Sputnik V" yillar davomida tekshirilgan va yaxshi oʻrganilgan odam adenovirusi platformasida yaratilgan. Bugungi kunga qadar 3,8 mtillion kishida oʻtkazilgan emlash natijasida uning samaradorligi 97,6%ni tashkil qilmoqda. Dastlabki bosqichda The Lancet jurnali maqolasida samaradorlik darajasi 91,6% deb koʻrsatilgan edi.
YEMA 4 martdan buyon "Sputnik V" vaktsinasini bosqichma-bosqich sinovdan oʻtkazmoqda. Yevropa dorilar agentligi tekshiruvlar natijasini Rossiyada inspektorlik tekshiruvlaridan soʻng eʼlon qilishini maʼlum qilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala