Hodisalar

Jazirama havo sabab Qarshi-Moskva parvozi kechikdi

© Sputnik / Aleksandr Kryajevsamolyot Royal Flight
samolyot Royal Flight - Sputnik Oʻzbekiston, 1920, 06.06.2021
TOSHKENT, 6 iyun — Sputnik. Ijtimoiy tarmoqlarda Qarshi xalqaro aeroportida samolyot oʻt olmagani va yoʻlovchilar bir yarim soat samolyot ichida issiqda qolib ketgani haqidagi video tarqaldi. Yoʻlovchilar konditsioner ishlamaganidan ham shikoyat qilishgan.
Mazkur holat yuzasidan Transport vazirligi munosat bildirdi. Aniqlik kiritilishicha, 5 iyun kuni Rossiyaning “Royal Flight” aviakompaniyasi ABG-2604 Qarshi – Domodedovo reysini amalga oshirishi lozim edi. Shu kuni soat 13:32 da Boeing-767-300 samolyoti Qarshi xalqaro aeroportiga kelib qoʻngan. Aeroport samolyot va yoʻlovchilarga barcha texnik va servis xizmatlarini koʻrsatgan.
“Biroq respublikada kuzatilayotgan issiq tufayli samolyotning asosiy va qoʻshimcha dvigatellari qoʻshilmay qoldi. Samolyot kompyuteri parametrlarini qayta terish va bir necha bor dvigatellarni qoʻshishga qayta urinishlar ham issiqning haddan ziyod kuchayishi oqibatida samara bermadi. Asosiy va qoʻshimcha dvigatellarni ishga tushirish imkoni boʻlmagach, tabiiyki, samolyotning konditsioner tizimi ham ishlamadi”, - deyilgan xabarda.
Xalqaro fuqaro aviatsiyasi qoidalariga koʻra, yoʻlovchilar samolyotga chiqarilib, havo kemasi eshiklari yopilgach, yoʻlovchilar xavfsizligi boʻyicha barcha qarorlar samolyot ekipaji komandiri tomonidan qabul qilinadi.
Ekipaj komandiri yoʻlovchilarni tushirish haqida qaror qabul qilgach, yoʻlovchilar samolyotdan zudlik bilan tushirilgan va Qarshi xalqaro aeroportida yoʻlovchilarga barcha zaruriy sharoitlar yaratib berilgan.
Samolyot 6 iyun kuni tonggi soat 04:54 da ((aslida joʻnash 5 iyun kuni soat 15:30 ga rejalashtirilgan edi) belgilangan manzilga joʻnab ketgan va 329 nafar yoʻlovchi Domodedovo aeroportiga sogʻ-salomat eltib qoʻyilgan.
Malchik igrayet v fontane v Krasnodare - Sputnik Oʻzbekiston, 1920, 02.06.2021
Jamiyat
Oʻzgidromet aholini jazirama ob-havo haqida ogohlantirdi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala