Jamiyat

Oʻzbekistonda necha kishi koronavirusga qarshi toʻliq emlandi

© Sputnik / Ramiz BaxtiyarovVaktsinatsiya v Tashkente
Vaktsinatsiya v Tashkente - Sputnik Oʻzbekiston, 1920, 07.06.2021
Mamlakatda Rossiyaning “Sputnik V” vaktsinasi bilan 25 ming 902 kishi toʻliq emlangan.
TOSHKENT, 7 iyun — Sputnik. Oʻzbekistonda ikki oy mobaynida 2 million 069 ming 518 doza vaktsina qoʻllanildi, shundan 348 ming 302 kishi toʻliq bosqichlarda emlanib boʻlindi. Bu haqda Sogʻliqni saqlash vazirligi matbuot xizmati rahbari Furqat Sanayev maʼlum qildi.
Uning soʻzlariga koʻra, AstraZeneca bilan 321 ming 906 kishi, “Sputnik V” bilan 25 ming 902 kishi, ZF-UZ-VAC2001 vaktsinasi bilan esa 494 kishi barcha bosqichlarda toʻliq emlangan.
Taʼkidlanishicha, “Sputnik V” va Astra-Zeneca vaktsinalari ikki bosqichli emlanish bilan inson organizmida yuqori darajada immunitet hosil qilinishiga yordam beradi. ZF-UZ-VAC2001 vaktsinasida esa toʻliq uch bosqichda emlangandan soʻng inson organizmida yetarlicha antitanacha hosil boʻlishiga erishish mumkin.
Vaktsinatsiya Sputnik V - Sputnik Oʻzbekiston, 1920, 12.05.2021
Jamiyat
Samarqand va Namangan viloyatlarida aholini “Sputnik V” bilan emlash boshlandi
31 may holatiga koʻra, eng koʻp emlangan aholi qatlami bu 65 yosh va undan oshgan fuqarolar boʻlib, ularga ikki oy mobaynida 747 ming 201 doza vaktsina qoʻllanilgan. Tibbiyot xodimlari koʻrsatgich boʻyicha ikkinchi oʻrinda. Ular vaktsinaning yarim million dozasini olishgan.
Fargʻona (289 105), Namangan (275 212), Andijon (268 996) va Samarqand viloyatlari (219 854 doza) emlash boʻyicha yuqori koʻrsatkichlarga erishgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala