Sergelida havoni bulg‘agan 22 nafar korxona ma’sullariga ma’muriy ish ochildi

© AFP / RODRIGO BUENDIAMujchina zakrivayet nos. Illyustrativnoe foto
Mujchina zakrivayet nos. Illyustrativnoe foto - Sputnik O‘zbekiston, 1920, 14.06.2021
Obuna bo‘lish
Bektemir Salar suv tozalash inshootlariga Texnik suvlarni yetarlicha tozalamasdan turib oqizgan korxonalar faoliyati to‘xtatildi, ma’sullar javobgarlikka tortilmoqda.
TOShKENT, 14-iyun - Sputnik. Sergeli tumanidagi uzoq vaqt davomida suv va havoni ifloslantirishga sabab bo‘lgan korxonalarning 22 nafar ma’sul shaxslariga nisbatan ma’muriy javobgarlik to‘g‘risida ish ochildi, deb xabar qilmoqda Davlat Ekologiya qo‘mitasi.
Bektemir va Salar oqova suv tozalash inshootlariga texnik suvlarni tashlovchi korxonalarda amalga oshirilgan tekshiruvlar natijasiga ko‘ra, korxona va tashkilotlarning 22 nafar mas’ullariga nisbatan O‘zbekiston Respublikasining “Ma’muriy javobgarlik to‘g‘risida”gi Kodeksi tegishli moddalari bilan ma’muriy ishlar qo‘zg‘atildi, - deyilgan xabarda.
Shuningdek, Salar oqova suv tozalash inshootiga ishlab chiqarish oqova suvlarini tashlovchi 18 ta korxonadan 11 tasida tekshirishlar amalga oshirildi. Meyor darajasida tozalanmagan oqova tashlayotgan korxonalar faoliyati vaqtincha to‘xtatilgan.
Undan tashqari, Bektemir tumanida joylashgan 9 ta korxona tomonidan berilgan majburiy ko‘rsatmalar o‘z vaqtida bajarilmaganligi sababli davlat ekologik ekspertizasining belgilangan muddatdan oldin amal qilishini to‘xtatish va shahar kanalizatsiya tarmog‘idan uzish maqsadida Toshkent shahar iqtisodiy sudiga da’vo arizasi kiritilgan.
Rabochaya gruppa izuchayet rabotu ochistnix soorujeniya Salar - Sputnik O‘zbekiston, 1920, 07.06.2021
“Salar” tozalash inshooti atrofidagi barcha korxonalar faoliyati to‘xtatildi
Eslatib o‘tamiz, Sergeli tumani “O‘zgarish” mahallasi aholisi yoqimsiz hid kelayotgani haqida uzoq vaqtdan buyon arz qilib kelayotgan edi.
Ushbu borada ko‘p marortaba o‘tkazilgan tekshiruvlar natija bermaganidan keyin Toshkent shahar hokimligi, suv-oqava tizimi, ekologiya qo‘mitasi xodimlaridan iborat qo‘shma komissiya tuzilib kanal bo‘yida joylashgan korxonalar yoppsiga tekshirilgan va ularning bir nechasi faoliyati to‘xtatib qo‘yilgan edi.
Yangiliklar lentasi
0