Sport

Kikboksing boʻyicha "UZBEKISTAN OPEN" turniriga mingdan ortiq sportchi keladi

© Sputnik / Yuriy SomovKikboksing
Kikboksing - Sputnik Oʻzbekiston, 1920, 15.06.2021
Toshkentda bugun boshlanayotgan kikboksing boʻyicha nufuzli musobaqaga dunyoning 14 mamlakatidan 1100 nafar havaskor va professional jangchilar ishtirok etadi.
TOSHKENT, 15 iyun - Sputnik. Oʻzbekistonda 15-21 iyun kunlari boʻlib oʻtadigan Kikboksing boʻyicha "UZBEKISTAN OPEN" xalqaro turnirida 14 mamlakatdan mingdan ortiq sportchi keladi. Bu haqida Oʻzbekiston Kikboksing assotsiatsiyasi prezidenti Oybek Narmetov xabar qildi.
"Toshkent shahri mezbonlik qiladigan musobaqaga 14 mamlakatdan 1,100ga yaqin sportchi ishtirok etadi. Pandemiya tufayli 10ga yaqin mamlakat sportchilari qatnashish istagida boʻlsa-da, kela olishmadi. Shunga qaramay, musobaqani yuqori saviyada oʻtkazamiz, deb oʻylayman", - dedi Narmetov.
Matbuot anjumanida, shuningdek Umumjahon Kikboksing federatsiyasi (WAKO) vitse-prezidenti, Turkiya Kikboksing federatsiyasi prezidenti Salim Kayichi ham ishtirok etdi. Uning soʻzlariga koʻra, Oʻzbekistonda Kikboksing musobaqasini chiroyli oʻtkazish uchun barcha sharoitlar yaratilgan. Mehmon buning uchun Oʻzbekiston prezidenti va Kikboksing assotsiatsiyasi rahbariyatiga minnatdorlik bildirdi.
Maʼlumot uchun, kikboksing sport turi 1960 yillarda paydo boʻlgan. Uning asosida tayboks, amerika boksi va yana boshqa sport turlari boʻlib, hozirgi kunda kikboksing 7-ta asosiy yoʻnalishi bor. Ular zarbalar turi, va yengil ogʻirligi bilan farq qiladi. Bugungi kunda kikboksing Olimpiya sport turiga kiritilmagan.
Boks - Sputnik Oʻzbekiston, 1920, 02.04.2021
Sport
Toshkent ilk bor boks boʻyicha JChga mezbonlik qiladi
Matbuot anjumanida ushbu sport turi boʻyicha WAKO bosh hakami maqomida ishtirok etgan Yuriy Laktikov, Tokio Olimpidasi jarayonida kikboksing Olimpiya sport turlari qatoriga qoʻshilishiga ishonch bildirdi.
Udan tashqari Laktikov Oʻzbekistonda kikboksingni rivojlantirish uchun yaratilayotgan sharoitlarni juda yaxshi deb baholadi. Shuningdek bosh hakam, "UZBEKISTAN OPEN" xalqaro turnirida havaskor va professional jangchilar bellashuviga imkon yaratish - bu tashkilotchilarning katta yutugʻi deb atadi va kelajakda boshqalar ham ulardan oʻrnak olishiga ishonch bildirdi.
"UZBEKISTAN OPEN" turnirida 10 - 40 yoshli sportchilar orasida kikboksingning 5-yoʻnalishi boʻyicha musobaqalar oʻtkaziladi. Shuningdek, Oʻzbekistonda ilk bor professional jangchilar orasida jang boʻlib oʻtadi. Unda oʻzbekistonlik va ukrainalik sportchi professional yoʻnalishda qitʼalararo kamar uchun bellashadi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala