Toshkent bozorlaridagi narxlarni nazorat qiluvchi tizim ishga tushiriladi

© Sputnik / Ramiz BaxtiyarovChorsu - samiy stariy bazar v starom Tashkente
Chorsu - samiy stariy bazar v starom Tashkente - Sputnik O‘zbekiston, 1920, 15.06.2021
Obuna bo‘lish
Bozor hududiga kunlik kirib kelgan meva-sabzavot va go‘sht mahsulotlari turi, miqdori, ularning eng quyi va eng yuqori narxi va qaysi hududdan olib kelinganini o‘z ichiga olgan dasturiy ta’minot ishlab chiqiladi.
TOShKENT, 15-iyun — Sputnik. Toshkentning ikkita bozorida tajriba tariqasida yangi elektron tizim yo‘lga qo‘yiladi va bu mahsulotlar narxi barqarorlashiga yordam berishi kutilmoqda. Bu haqda Iqtisodiy taraqqiyot va kambag‘allikni qisqartirish vazirligi xabar berdi.
Qayd etilishicha, ichki va tashqi bozorni meva-sabzavot va go‘sht mahsulotlari bilan barqaror ta’minlashda eng asosiy muammo bu ishlab chiqaruvchilar va xaridorlar o‘rtasida onlayn ma’lumot almashuvining mavjud emasligi.
Bu muammoni hal etish uchun talab va taklif o‘rtasida muvozanatni saqlash, mahsulot yetishtiruvchi va xaridorlarni ulgurji bozorlarda kunlik shakllanayotgan narxlar bilan doimiy xabardor qilib borish bo‘yicha yangicha tizim yaratish va amaliyotga joriy etish yuzasidan takliflar bildirildi.
Prezident Uzbekistana Shavkat Mirziyoyev  - Sputnik O‘zbekiston, 1920, 17.12.2020
Mirziyoyev bozorlarda narx-navo spekulyatsiyasining qat’iy oldini olish vazifasini qo‘ydi
Shu bois Toshkent qishloq xo‘jaligi mahsulotlari ulgurji bozori hamda Eski Juva dehqon bozorida bir oy ichida tajriba o‘tkaziladi. Bozor hududiga kunlik kirib kelgan meva-sabzavot va go‘sht mahsulotlari turi, miqdori, ularning eng quyi va eng yuqori narxi va qaysi hududdan olib kelinganini o‘z ichiga olgan dasturiy ta’minot ishlab chiqiladi.
Ularning narxi to‘g‘risidagi ma’lumotlar ommaviy axborot vositalarida doimiy e’lon qilib boriladi.
Shuningdek, Davlat statistika qo‘mitasida meva-sabzavot va go‘sht mahsulotlari narxlarining ko‘tarilishi va unga ta’sir etgan omillar haqida doimiy brifing o‘tkazib boriladi.
Yangiliklar lentasi
0