Jamiyat

Oliy taʼlim sifati bozor talabiga javob bermaydi – prezident

© Press-slujba prezidenta UzbekistanaSoveщaniye po sovershenstvovaniyu sistemы vыsshego obrazovaniya
Soveщaniye po sovershenstvovaniyu sistemы vыsshego obrazovaniya - Sputnik Oʻzbekiston, 1920, 17.06.2021
Taʼlim sifatini oshirish uchun - oliygohlar boshqaruv kengashi vakolatlari oshiriladi, har bir kafedradan yosh olimlar xorijga stajirovkaga yuboriladi.
TOSHKENT, 17 iyun – Sputnik. Oʻzbekiston prezidenti Shavkat Mirziyoyev huzurida 16 iyun kuni boʻlib oʻtgan majlisda oliy taʼlim sohasidagi muammolar va ularni hal qilish yoʻllari muhokama qilindi.
Majlisda oliy taʼlimning zamonaviy ehtiyojlarga javob bermasligi tanqid qilindi.
Xususan, bugun xizmat koʻrsatish sohasida 40 mingta, sanoatda 38 mingta, qurilishda 12 mingta, qishloq xoʻjaligida 10 mingta, aloqa va axborot texnologiyalarida 4 mingta oliy maʼlumot talab etadigan boʻsh ish oʻrinlari bor, lekin bitiruvchilar son jihatidan ham, malaka boʻyicha ham bu talabni qondira olmaydi.
Ushbu tafovut kelib chiqishida tizimda mavjud quyidagi muammolar sabab boʻlgani qayd etildi:
oliy taʼlimning 815 ta yoʻnalishning 55 % mehnat bozori talablariga javob bermaydi, 2 mingga yaqin fanlar boʻyicha darsliklar yetishmaydi;
Oʻquv dasturlarining ayrimlari 40 yil oldin tuzilgani va zamon talablariga javob bermaydi;
Ayrim OTMlarda oʻquv dasturlari mehnat va bozor talablariga emas, professor oʻqituvchilarga moslashtirilgani va oqibatda talabalarga keraksiz fanlar oʻrgatilmoqda;
Ayrim OTMlar oʻqituvchilar tarkibida professor va boshqa yuqori ilmiy unvonli kadrlar ulushi 25%ga ham yetmaydi;
Muammolarni hal qilish uchun quyidagi yoʻnalishlarda amalga oshirish kerak boʻlgan ustuvor vazifalar belgilab berildi:
1.
Oliy taʼlim muassasalari boshqaruv kengashlarining rolini oshirish va kafedralar vakolatlarini kengaytirish.
2.
Oʻquv jarayonini bozor talablariga moslashtirib, ishlab chiqarish bilan uzviyligini taʼminlash va talabaning oʻz ustida ishlashi uchun muhit yaratish.
3.
Oliy taʼlim muassasalarining ilmiy salohiyatini oshirish, ilm-fan va innovatsiyani rivojlantirish.
4.
Professor-oʻqituvchilar va talabalar uchun qogʻozbozlikni kamaytirish, sohani raqamlashtirish orqali byurokratiya va korruptsiyani keskin qisqartirish.
Bu vazifalarni samarali bajarish uchun oliy taʼlim muassasalariga akademik va tashkiliy-boshqaruv boʻyicha mustaqil qaror qabul qilish vakolati berilishi taʼkidlandi.
Yaʼni, bundan buyon, oʻquv rejasi va adabiyotlar, fan dasturlarini joriy etish, professor-oʻqituvchilarning oʻquv yuklamasi hamda taʼlim shakllarini belgilashni oliygoh boshqaruv kengashining oʻzi hal qiladi.
Endi har bir kafedraning faoliyati uning ilmiy salohiyati va yoshlarni selektsiya asosida ilmiy faoliyatga jalb etish koʻrsatkichlariga qarab baholanadi.
Ilmiy rahbarlarga 5 tagacha doktorant va 3 tagacha mustaqil izlanuvchi olish huquqi beriladi. Shuningdek, har bir kafedraning bir nafardan yosh olimini xorijga stajirovkaga yuborish yoʻlga qoʻyiladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala