Video

Afrikalik mehmonlar: Toshkent hayvonot bogʻiga noyob rangdagi sher bolalari keltirildi — video

Sher bolalarining ushbu turi tabiatda juda kam uchraydi va ular afrika sherlarining Panthera leo krugeri turiga kiradi.
TOSHKENT, 18 iyun — Sputnik, Ramiz Baxtiyarov. Toshkent hayvonot bogʻi Janubiy Afrikadan keltirilgan jonivorlar bilan boyidi.
Poytaxtga ikkita oq sher bolalari - sakkiz oylik Jonni va Jennilar keltirildi, deb xabar bermoqda Sputnik Oʻzbekiston muxbiri.
"Oq sherlar – bu sherlarning alohida turi emas, balki "leykizm" sifatida maʼlum boʻlgan mutatsiya natijasidir", - deya tushuntiradi hayvonot bogʻi vakili.
Taʼkidlanishicha, sherlarning ushbu turi juda noyob boʻlib, faqatgina afrika sherlarining Panthera leo krugeri deb nomlangan transvaal turlari orasida uchraydi. Jonivorlar janubi-sharqiy Afrikada istiqomat qiladi.
Yorqin rangdagi bu sherlar uchun yovvoyi tabiatda omon qolish bir oz murakkabdir. Sababi, koʻzga tashlanuvchan rangdagi teri bilan ov qilish ancha mushkul ish sanaladi. Bundan tashqari, ular boshqa yirtqichlar va brakonyerlar uchun ham oson oʻlja hisoblanadi. Butun dunyoda bunday rangli jonivorlar soni 300ga yaqin va ularning kattagina qismi hayvonot bogʻlarida saqlanadi, deb xotima qiladi Toshkent hayvonot bogʻi matbuot-xizmati.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala