Sport

Abdusalom Azizov: ayrimlar futbolni biznes qilib oldi

© Assotsiatsiya futbola UzbekistanaPredsedatel Assotsiatsii futbola Uzbekistana Abdusalom Azizov
Predsedatel Assotsiatsii futbola Uzbekistana Abdusalom Azizov - Sputnik Oʻzbekiston, 1920, 20.06.2021
OʻFA rahbari Abdusalom Azizov oʻzbek futbolidagi muammolarga toʻxtaldi.
TOSHKENT, 20 iyun — Sputnik. Milliy olimpiya qoʻmitasida Oʻzbekiston futbol assotsiatsiyasining (OʻFA) navbatdan tashqari yigʻilishi boʻlib oʻtdi.
Unda OʻFA rahbari Abdusalom Azizov soʻzga chiqib, oʻzbek futbolidagi muammolarga toʻxtaldi.
Biz futbolda koʻp narsani yoʻqotdik. Yoʻqotish qaysi maʼnodaki, ayrimlar buni biznes qilib oldi. Bu narsa bolalar futbol maktablaridan boshlangan. Iqtidorlar emas, kimdir kimningdir iltimosi bilan maktabga qabul qilinadi. Eng katta kamchiligimiz jamoalarga tanlovlarda boʻlyapti, tayyorgarlik tizimida boʻlyapti, ijodiy yondashuv yoʻqligida boʻlyapti.
Abdusalom Azizov
OʻFA rahbari
Uning soʻzlariga koʻra, murabbiy bu — ijodkor. Jamoani faqat ijodiy tomondan yuksaltiradigan shaxs. Lekin bizni futbolda murabbiy — oʻzi menejer, oʻzi maʼmur.
“Kerak boʻlsa oʻzi mehmonxona buyurtma qiladi, oʻzi transport topadi, pullarni oʻzi taqsimlaydi. Hammasi shunga yopishib olgan. Bundan keyin klublarda murabbiylik alohida va maʼmuriy menejment alohida tashkil qiladi. OʻFA buni nazoratga oladi”, - deya taʼkidladi Azizov. Uning soʻzlaridan "Daryo" nashri iqtibos keltirgan.
Eslatib oʻtamiz, avvalroq milliy jamoa bosh murabbiyi Vadim Abramov oʻz lavozimini tark etgani xabar qilingan edi. Shuningdek, jamoa sardori Odil Ahmedov terma jamoadagi faoliyatini yakunladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala