Sport

“Birgina jiddiy xato”: Bektemir Meliqoʻziyev professional boksda nokautga uchradi

© Instagram / bektemirmelikuzievBoksyor Bektemir Melikuziyev
Boksyor Bektemir Melikuziyev - Sputnik Oʻzbekiston, 1920, 20.06.2021
Texas shtatida oʻtkazilgan Meliqoʻziyev—Rosado jangi atigi 3 raund davom etdi.
TOSHKENT, 20 iyun — Sputnik. Professional boksning superoʻrta vazn toifasida ringga koʻtarilayotgan oʻzbekistonlik sportchi Bektemir Meliqoʻziyev 8-jangida nokautga uchradi.
Jang AQShning Texas shtatida amerikalik Gabriel Rosadoga qarshi boʻlib oʻtdi. Bahsning ilk raundida Bektemir tashabbusni qoʻlga olib, ketma-ket zarbalar berdi. Raund oxirida Rosadoni nokdaun holatiga ham tushira oldi.
Ikkinchi raundda biroz tenglik kuzatildi va jangchilar oʻzaro zarbalar almashdilar. Uchinchi raundga kelib Meliqoʻziyev hujumga oʻtgan bir vaqtda amerikalikning oʻta kuchli oʻng qoʻl zarbasini qabul qildi va chuqur nokaut holatiga tushdi. Bu xato unga shunday qimmatga tushdi.
Shu tariqa u professional boksda 8-jangida ilk magʻlubiyatini qabul qilib oldi. Meliqoʻziyev bunga qadar 7 ta jang oʻtkazib, ularning barchasida gʻalabani nashidasini surgan edi.
Eslatib oʻtamiz, avvalroq Bektemir Meliqoʻziyev Xalqaro boks federatsiyasi (AIBA) tomonidan 4 yil muddatga sportdan chetlatilgan edi. Ammo bu professional boksdagi faoliyatiga taʼsir qilmaydi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala