“Haqiqat va taraqqiyot” partiyasini davlat ro‘yxatidan o‘tkazish rad etildi

© Press-slujba Ministerstva Yustitsii RUzZdanie Ministerstva Yustitsii Uzbekistana - novoe
Zdanie Ministerstva Yustitsii Uzbekistana - novoe  - Sputnik O‘zbekiston, 1920, 21.06.2021
Obuna bo‘lish
“Haqiqat va taraqqiyot” sotsial-demokratik partiyasini davlat ro‘yxatidan o‘tkazish rad etildi.
TOShKENT, 21-iyun — Sputnik. Adliya vazirligi "Haqiqat va taraqqiyot” sotsial-demokratik partiyasini davlat ro‘yxatidan o‘tkazish rad etilganligini ma’lum qildi.
Vazirlik bayonotida aytilishicha, “Haqiqat va taraqqiyot” sotsial-demokratik partiyasini davlat ro‘yxatidan o‘tkazish yuzasidan arizalar va ilova qilingan hujjatlar qonunchilikda belgilangan tartibda ikki marta o‘rganib chiqildi.
"Partiyani davlat ro‘yxatidan o‘tkazish bo‘yicha hujjatlar “Siyosiy partiyalar to‘g‘risida” va “Nodavlat notijorat tashkilotlari to‘g‘risida”gi qonunlar talablariga rioya qilinmagan holda taqdim qilinganligi aniqlandi.
Vibori v parlament Uzbekistana - Sputnik O‘zbekiston, 1920, 21.06.2021
Prezident saylovlari: saylovoldi jarayoniga qachon start beriladi?
Xususan, “Siyosiy partiyalar to‘g‘risida”gi Qonunning 6-moddasiga ko‘ra, siyosiy partiyani tuzish uchun kamida 8 ta hududiy subyektda (viloyatda), shu jumladan Qoraqalpog‘iston Respublikasi va Toshkent shahrida yashayotgan hamda partiyaga birlashish istagida bo‘lgan kamida 20 000 fuqaroning imzosi bo‘lishi talab etiladi.
Biroq, partiyani davlat ro‘yxatidan o‘tkazish bo‘yicha bor-yo‘g‘i 9 873 ta imzo yig‘ilgan.
Jumladan, 2021-yil 7-apreldagi arizaga 7 675 ta (qo‘shimcha 944 ta) va 7-iyundagi arizaga 1 254 ta imzo qo‘ygan fuqarolarning ro‘yxatlari ilova qilingan.
O‘rganish jarayonida aniqlanishicha, imzolar ro‘yxatida ko‘rsatilgan shaxslarning 42 nafari vafot etgan.
Kak golosovali uzbekistansi v Moskve na parlamentskix viborax - Sputnik O‘zbekiston, 1920, 31.05.2021
Saylov kodeksiga o‘zgartirish kiritildi
Yuqorida ko‘rsatilgan imzolar partiya tuzish bilan bog‘liq bo‘lmagan holda turli sabablar asosida yig‘ilganligi sababli, imzolarni hisobga olmaslik (bekor qilish) haqida bugungi kunga qadar vazirlikka jami 2 292 ta murojaat kelib tushdi.
Shunga ko‘ra, “Haqiqat va taraqqiyot” sotsial-demokratik partiyasini davlat ro‘yxatidan o‘tkazish rad etildi", - deyilgan Adliya bayonotida.
Adliya vazirligi “Siyosiy partiyalar to‘g‘risida”gi Qonunning 6-moddasiga asosan, tashkiliy qo‘mita tuzilgan kundan boshlab uzog‘i bilan uch oy faoliyat ko‘rsatish huquqiga egaligi va shu munosabat bilan, belgilangan muddat o‘tgandan keyin tashkiliy qo‘mita o‘z faoliyatini tugatishi, imzolar yig‘ish to‘xtatilishi haqida eslatib o‘tdi.
Yangiliklar lentasi
0