Prezident saylovlari: saylovoldi jarayoniga qachon start beriladi?

© Sputnik / Maksim BlinovVibori v parlament Uzbekistana
Vibori v parlament Uzbekistana - Sputnik O‘zbekiston, 1920, 21.06.2021
Obuna bo‘lish
Prezident matbuot kotibi Sherzod Asadov prezident saylovlari haqidagi savolga javob berdi.
TOShKENT, 21-iyun — Sputnik. Bugungi brifingda prezident matbuot kotibi Sherzod Asadov bo‘lajak prezident savlovlarining saylovoldi jarayoni qachon boshlanishi haqidagi savolga javob berdi, deb xabar qildi Sputnik O‘zbekiston muxbiri.
Unga ko‘ra, davlat nuqtayi nazaridan albatta saylov jarayonini tashkil etish bo‘yicha ishlar boshlab yuborilgan.
“Biz Yevropada xavfsizlik va hamkorlik tashkilotining demokratik institutlari inson huquqlari burosi missiyasini bir necha bor qabul qildik. Va tayyorlanish jarayonini mana shu eng oldi jahon standartlari, xususan YeHHT stardartlari bo‘yicha olib borishga tayyormiz. Demak, saylovoldi jarayonini start berilishiga uncha ko‘p vaqt ham qolmadi, bu - iyul oxiri va nomzodlar kim, qachon o‘z nomzodini ilgari surishini, biz albatta mana shu muddatgacha kutishimiz kerak. Birinchi navbatda, bu har bitta nomzodni, har bitta fuqaroni o‘zini konstitutsiyaviy huquqi”, - dedi Asadov.
Prezident Uzbekistana Shavkat Mirziyoyev - Sputnik O‘zbekiston, 1920, 21.06.2021
Mirziyoyevning joriy haftadagi ish jadvali ma’lum qilindi
Shuningdek, prezident matbuot kotibi, savlov jarayonini yoritishda OAVlar masalasiga to‘xtaldi.
“OAVlariga keladigan bo‘lsak, ularni albatta o‘rinlari ushbu saylovoldi jarayonini yoritishi juda muhim bo‘ladi va biz eng avvalo hamma OAVlarni, O‘zbekistonda akkreditatsiya o‘tgan chet ellik OAVlardan ham bitta narsani - obyektivlik, xolisonalikni kutib qolamiz", - dedi prezident matbuot kotibi.
Uning so‘zlariga ko‘ra, akkreditatsiyadan o‘tgan barcha chet ellik OAVlari kelib saylov oldi jarayonini O‘zbekistonda yoritishi mumkin.
"Mana shu saylovoldi jarayonida bundan tashqari chet eldan kelayotgan hamkasblarimiz albatta standartlarga va talablarga muvofiq umume’tirof etilgan akkreditatsiya tartiblari ishlab chiqiladi, bu an’anaviy akkreditatsiya tartiblari, mana shu akkreditatsiyadan o‘tgan barcha chet ellik OAVlari kelib saylov oldi jarayonini O‘zbekistonda bemalol yoritishi mumkin”, - deb xulosa qildi Asadov.
Yangiliklar lentasi
0