Jamiyat

Senat diniy erkinliklarni kengaytiruvchi qonunni maʼqulladi

© Sputnik / Sergey Kuznetsov / Fotobankka oʻtishDevushka v xidjabe v metro Venы, Avstriya
Devushka v xidjabe v metro Venы, Avstriya - Sputnik Oʻzbekiston, 1920, 26.06.2021
Fuqarolaring vijdon erkinligini taʼminlovchi hamda diniy tashkilotlar uchun qoʻshimcha yengilliklar va kafolatlar beruvchi yangi qonun tayyorlanmoqda.
TOSHKENT, 26 iyun — Sputnik. Senatning navbatdagi yalpi majlisida yangi tahrirdagi “Vijdon erkinligi va diniy tashkilotlar toʻgʻrisida”gi Qonun maʼqullandi, deb xabar qilmoqda Huquqiy axborot kanali.
Yangi qonunning asosiy maqsadi - vijdon erkinligini taʼminlash, diniy tashkilotlarning huquq va majburiyatlari doirasini aniq belgilash va ular uchun qoʻshimcha kafolatlarini mustahkamlash, - deyilgan xabarda.
Xususan, yangi qonunga koʻra quyidagilar bekor boʻlmoqda:
fuqarolarning jamoat joylarida “ibodat liboslari”da yurishlariga yoʻl qoʻyilmasligi haqidagi cheklov;
diniy taʼlim mussasalarida diniy taʼlim beruvchilarga markaziy organning alohida roziligini olish talabi;
diniy tashkilotni roʻyxatdan oʻtkazish uchun notarial tasdiqlangan hujjatlarni taqdim etish tartibi;
diniy tashkilotni tuzishda mahalla fuqarolar yigʻinlari roziligini olish talabi bekor boʻlmoqda.
Shuningdek, diniy tashkilotni roʻyxatdan oʻtkazish yengillashtirilmoqda:
diniy tashkilot tuzish tashabbuskorlari soni 100dan 50 nafarga qisqartirilmoqda;
diniy tashkilotni tuzish haqidagi yigʻilish oʻtkazilgandan keyin 6 oy mobaynida (amalda 3 oy) adliya organiga murojaat qilish huquqi mustahkamlanmoqda;
taqdim etiladigan hujjatlar soni qisqarmoqda;
roʻyxatdan oʻtkazish bilan bogʻliq xizmatlar toʻliq elektron koʻrinishda amalga oshirilishi joriy etilmoqda;
diniy tashkilotni roʻyxatdan oʻtkazish uchun taqdim etilgan hujjatlarni koʻrib chiqishning 3 oylik muddati 1 oy etib belgilanmoqda;
roʻyxatdan oʻtkazishni rad etish asoslari aniq belgilanmoqda.
Undan tashqari, diniy tashqilot faoliyatini faqatgina sud tomonidan toʻxtatib qoʻyilishi mumkinligi va boshqa qoʻshimcha kafolatlar belgilanmoqda.
Ushbu qonun Oʻzbekiston prezidenti tomonidan imzolanganidan soʻng kuchga kiradi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala