https://oz.sputniknews.uz/20210701/joriy-yilda-ozbekistonda-900-dan-ortiq-davlat-mulki-sotuvga-qoyiladi-19506908.html
Joriy yilda O‘zbekistonda 900 dan ortiq davlat mulki sotuvga qo‘yiladi
Joriy yilda O‘zbekistonda 900 dan ortiq davlat mulki sotuvga qo‘yiladi
Sputnik O‘zbekiston
Auksionda mulkni sotib olganda, to‘lov muddati hozirgi 5 kundan 15 kungacha uzaytiriladi. 01.07.2021, Sputnik O‘zbekiston
2021-07-01T21:55+0500
2021-07-01T21:55+0500
2021-07-01T21:55+0500
iqtisod
davlat
mol-mulk
https://cdn1.img.sputniknews.uz/img/969/69/9696957_76:761:2362:2047_1920x0_80_0_0_ee0fb4c9c1c7c4a95392365cf9218250.jpg
TOShKENT, 1-iyul - Sputnik. Joriy yilda O‘zbekistonda 900 dan ortiq davlat mulki sotuvga qo‘yiladi. Endi davlat mulklarini "1 so‘m" qiymatda savdoga chiqarish, yer uchastkalarini investitsiya majburiyati bilan sotish amaliyoti bekor qilinadi va ular bozor bahosida elektron savdolarga chiqariladi.Bu haqda prezident Shavkat Mirziyoyev raisligida 1-iyul kuni davlat aktivlarini xususiylashtirish sohasidagi ishlar natijadorligi va kelgusidagi ustuvor vazifalar muhokamasi yuzasidan videoselektor yig‘ilishi o‘tkazildi.Ta’kidlanishicha, 2020-yil 27-oktabrda O‘zbekiston prezidentining "Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar to‘g‘risida"gi farmoni qabul qilingach, joriy yilning birinchi yarmida 478 ta davlat mulki 1 trillion 100 milliard so‘mga sotildi.Lekin, bu borada qilinadigan ishlar hali ko‘p. Xususan, sotilishi belgilangan 556 ta mulkdan 288 tasi savdolarga chiqarilmagan. Shuningdek, davlat korxonalari va banklar ixtiyorida ularning asosiy faoliyatiga xos bo‘lmagan 511 ta obyekt haligacha sotilmasdan turibdi.Yig‘ilishda xususiylashtirish jarayonini samarali tashkil etish, auksionda qatnashish tartiblarini soddalashtirish va ishtirokchilar sonini ko‘paytirishga qaratilgan vazifalar muhokama qilindi.Onlayn auksionda qatnashish uchun to‘lovlar bekor qilinadi va tadbirkorlarga elektron ro‘yxatdan o‘tish xarajatlari Davlat aktivlarini boshqarish agentligi tomonidan qoplab beriladi. Auksionda mulkni sotib olganda, to‘lov muddati hozirgi 5 kundan 15 kungacha uzaytiriladi.Bundan buyon, davlat ulushi 50 foizdan yuqori bo‘lgan tashkilotlarning bino-inshootlari, transport vositalarini sotish va ijaraga berishni faqat elektron auksion orqali amalga oshirish tartibi joriy etiladi.Mutasaddilarga ushbu yangi tartiblarni nazarda tutuvchi qaror loyihasi ishlab chiqish topshirildi.Toshkent shahridagi 13 ta yirik ko‘chmas mulk obyekti hamda 11 ta tarmoq korxonalaridagi davlat ulushlarini xorijiy konsultantlarni jalb qilgan holda, sotuvga chiqarish zarurligi ta’kidlandi.Viloyat, tuman va shahar hokimlariga o‘z vakolatidagi 154 ta bo‘sh turgan obyektni bir oy muddatda savdoga chiqarish vazifasi qo‘yildi.Hokimliklar tomonidan sotuvga chiqarilgan mulklar sotilganda, hududlar ixtiyorida qoladigan mablag‘lar ulushi 73 foizdan 87 foizga oshiriladigan bo‘ldi. Bu mablag‘lar viloyat va tumanlar (shahar) budjetlari o‘rtasida teng taqsimlanadi.Davlat aktivlarini boshqarish agentligiga davlat korxonalari hamda banklarning asosiy faoliyatga xos bo‘lmagan va bo‘sh turgan obyektlarni to‘liq qaytadan xatlovdan o‘tkazib, ularni xususiylashtirishga tayyorlash bo‘yicha topshiriq berildi.Faoliyat yuritmayotgan yoki zarar ko‘rib ishlayotgan korxonalarni moliyaviy sog‘lomlashtirish va modernizatsiya qilish bo‘yicha takliflar muhokama qilindi
https://oz.sputniknews.uz/20210416/gulnora-karimovaga-tegishliligi-aytiladigan-dacha-18371631.html
https://oz.sputniknews.uz/20210314/davlat-xaridlari-togrisidagi-qonun-maqullandi--asosiy-ozgarishlar-17743115.html
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2021
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
iqtisod, davlat, mol-mulk
iqtisod, davlat, mol-mulk
Joriy yilda O‘zbekistonda 900 dan ortiq davlat mulki sotuvga qo‘yiladi
Auksionda mulkni sotib olganda, to‘lov muddati hozirgi 5 kundan 15 kungacha uzaytiriladi.
TOShKENT, 1-iyul - Sputnik. Joriy yilda O‘zbekistonda 900 dan ortiq davlat mulki sotuvga qo‘yiladi. Endi davlat mulklarini "1 so‘m" qiymatda savdoga chiqarish, yer uchastkalarini investitsiya majburiyati bilan sotish amaliyoti bekor qilinadi va ular bozor bahosida elektron savdolarga chiqariladi.
Bu haqda prezident Shavkat Mirziyoyev raisligida 1-iyul kuni davlat aktivlarini xususiylashtirish sohasidagi ishlar natijadorligi va kelgusidagi ustuvor vazifalar muhokamasi yuzasidan videoselektor yig‘ilishi o‘tkazildi.
Ta’kidlanishicha, 2020-yil 27-oktabrda O‘zbekiston prezidentining "Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar to‘g‘risida"gi farmoni qabul qilingach, joriy yilning birinchi yarmida 478 ta davlat mulki 1 trillion 100 milliard so‘mga sotildi.
Lekin, bu borada qilinadigan ishlar hali ko‘p. Xususan, sotilishi belgilangan 556 ta mulkdan 288 tasi savdolarga chiqarilmagan. Shuningdek, davlat korxonalari va banklar ixtiyorida ularning asosiy faoliyatiga xos bo‘lmagan 511 ta obyekt haligacha sotilmasdan turibdi.
Yig‘ilishda xususiylashtirish jarayonini samarali tashkil etish, auksionda qatnashish tartiblarini soddalashtirish va ishtirokchilar sonini ko‘paytirishga qaratilgan vazifalar muhokama qilindi.
Onlayn auksionda qatnashish uchun to‘lovlar bekor qilinadi va tadbirkorlarga elektron ro‘yxatdan o‘tish xarajatlari Davlat aktivlarini boshqarish agentligi tomonidan qoplab beriladi. Auksionda mulkni sotib olganda, to‘lov muddati hozirgi 5 kundan 15 kungacha uzaytiriladi.
Bundan buyon, davlat ulushi 50 foizdan yuqori bo‘lgan tashkilotlarning bino-inshootlari, transport vositalarini sotish va ijaraga berishni faqat elektron auksion orqali amalga oshirish tartibi joriy etiladi.
Mutasaddilarga ushbu yangi tartiblarni nazarda tutuvchi qaror loyihasi ishlab chiqish topshirildi.
Toshkent shahridagi 13 ta yirik ko‘chmas mulk obyekti hamda 11 ta tarmoq korxonalaridagi davlat ulushlarini xorijiy konsultantlarni jalb qilgan holda, sotuvga chiqarish zarurligi ta’kidlandi.
Viloyat, tuman va shahar hokimlariga o‘z vakolatidagi 154 ta bo‘sh turgan obyektni bir oy muddatda savdoga chiqarish vazifasi qo‘yildi.
Hokimliklar tomonidan sotuvga chiqarilgan mulklar sotilganda, hududlar ixtiyorida qoladigan mablag‘lar ulushi 73 foizdan 87 foizga oshiriladigan bo‘ldi. Bu mablag‘lar viloyat va tumanlar (shahar) budjetlari o‘rtasida teng taqsimlanadi.
Davlat aktivlarini boshqarish agentligiga davlat korxonalari hamda banklarning asosiy faoliyatga xos bo‘lmagan va bo‘sh turgan obyektlarni to‘liq qaytadan xatlovdan o‘tkazib, ularni xususiylashtirishga tayyorlash bo‘yicha topshiriq berildi.
Faoliyat yuritmayotgan yoki zarar ko‘rib ishlayotgan korxonalarni moliyaviy sog‘lomlashtirish va modernizatsiya qilish bo‘yicha takliflar muhokama qilindi
