O‘zbekistonda TikTok, "VKontakte" va Twitter'dan foydalanish cheklandi

© AFP 2023 / Drew AngererPrilojenie TikTok
Prilojenie TikTok - Sputnik O‘zbekiston, 1920, 02.07.2021
Obuna bo‘lish
O‘zbekiston Respublikasi fuqarolarining shaxsga doir ma’lumotlariga qonunga zid ravishda ishlov berayotgan ijtimoiy tarmoqlardan foydalanish cheklandi.
TOShKENT, 2-iyul — Sputnik. “O‘zkomnazorat” bayonotiga ko‘ra, O‘zbekiston Respublikasi fuqarolarining shaxsga doir ma’lumotlariga qonunga zid ravishda ishlov berayotgan ijtimoiy tarmoqlardan foydalanish cheklandi.
TikTok - Sputnik O‘zbekiston, 1920, 26.01.2021
Hindistonda TikTok umrbodga bloklandi
“O‘zbekiston Respublikasi “Shaxsga doir ma’lumotlar to‘g‘risida”gi qonunining 271-moddasi talablariga zid ravishda O‘zbekiston Respublikasi fuqarolarining shaxsga doir ma’lumotlariga ishlov berilayotgani uchun ayrim ijtimoiy tarmoqlar 2021-yil 2-iyuldan “Shaxsga doir ma’lumotlar subyektlari huquqlarini buzuvchilar reyestri”ga kiritildi va internet tarmog‘ida mazkur resursdan O‘zbekiston Respublikasi hududida foydalanish o‘rnatilgan tartibda, aniqlangan kamchiliklar bartaraf etilgunga qadar cheklandi”, – deyiladi rasmiy axborotda.
Qaysi tarmoqlar haqida gap ketayotganiga aniqlik kiritilmagan.
Bugun ertalabdan O‘zbekiston aholisi Twitter, TikTok, Skype va "Vkontakte" platformalariga kirishda muammolarga duch kelmoqda.
Eslatib o‘tamiz, avvalroq O‘zbekiston Facebook Inc Google, Mail.ru, Microsoft Skype, Telegram, Tencent Wechat, TikTok, Twitter va Yandex kompaniyalariga serverlarini mamlakatga ko‘chirishga oid talabnomalar yuborgan edi. Mazkur tartib 16-apreldan o‘rnatilgan.
Yangiliklar lentasi
0