Sport

Yevropa klublarining Ibrohimxalil Yoʻldoshevga qiziqish bildirayotgani tasdiqlandi

© Press-slujba FK "Paxtakor"Futbolist Ibroximxalil Yuldashev
Futbolist Ibroximxalil  Yuldashev - Sputnik Oʻzbekiston, 1920, 05.07.2021
Ibrohimxalil Yoʻldoshev joriy mavsum “Paxtakor” safida 11 ta oʻyinda maydonga tushib, 2 ta gol urgan.
TOSHKENT, 5 iyul — Sputnik. “Paxtakor” sport direktori Jaʼfar Irismetov Sputnik agentligiga bergan eksklyuziv sharhida Yevropa futbol klublari futbolchi Ibrohimxalil Yoʻldoshevga qiziqish bildirayotganini tasdiqladi.
“Biz Yoʻldoshevning agentlari bilan suhbatlashganimizda, u Yevropa klubiga borishi mumkinligi haqida suhbat boʻlib oʻtdi, lekin gap aniq “Jenoa” haqida bormadi. Rasmiy xat olmagunimizcha, buni eʼlon qilolmayman”, - dedi Irismetov.
Uning taʼkidlashicha, suhbat bir oy oldin boʻlgan.
Eslatib oʻtamiz, avvalroq rossiyalik jurnalist Nobel Arustamyan Oʻzbekiston terma jamoasi va “Paxtakor” futbolchisi Ibrohimxalil Yoʻldoshev oʻz faoliyatini Italiyaning “Jenoa” klubi safida davom ettirishi mumkinligi haqida yozgandi.
Ibrohimxalil Yoʻldoshev joriy mavsum “Paxtakor” safida 11 ta oʻyinda maydonga tushib, 2 ta gol urgan. Bundan tashqari, milliy jamoalar safida ishonchli oʻyin koʻrsatgani uchun futbolchi OʻFAning “Yil kashfiyoti” sovrinini qoʻlga kiritgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala