Jamiyat

Prezident boʻlishni orzu qilmayman - Komil Allamjonov

© Stranitsa Komila Allamjonova v FacebookGlava Agentstva informatsii i massovыx kommunikatsiy Komil Allamjonov
Glava Agentstva informatsii i massovыx kommunikatsiy Komil Allamjonov - Sputnik Oʻzbekiston, 1920, 08.07.2021
Allamjonov hozirgi vaqtda yoshlarni ilmga jalb qilish yoki hunar oʻrgatish - bosh maqsadi ekanini maʼlum qildi.
TOSHKENT, 8 iyul - Sputnik. Milliy mass-mediani qoʻllab-quvvatlash va rivojlantirish jamoat fondi Vasiylik kengashi raisi Komil Allamjonov BBC oʻzbek xizmatiga bergan intervyusida prezident boʻlishni orzu qilmasligini aytdi.
BBC jurnalistining "Komil Allamjonovni prezident boʻlishga maqsad qilish yoki orzu qilishda ayblay olamizmi?" degan savoliga kengash raisi quyidagicha javob berdi.

"Yoʻq, menda siyosiy ambitsiyalar yoʻq. Har bitta kitob yozgan odam, har bitta yangi loyiha qilgan odam, bu ishlarini albatta prezident boʻlishni orzu qilib amalga oshirmaydi.

Mening hozirgi bosh maqsadim, yoshlarni ilmga jalb qilish. Bugun jamiyatimiz rivojlanishi, oyoqqa turishi uchun ikkita narsa kerak: yoshlarimiz yo bilimli boʻlishi kerak, yo hunarli boʻlishi kerak.
Har bitta kitob yozgan odam, har bitta "Zakovat"ga oʻxshagan yirik loyihalarni qilayotgan odam siyosiy ambitsiyalar bilan yashayveradigan boʻlsa, bilasizmi... Hammaning dunyoqarashi, maqsadi har xil. Menda bunday ambitsiyalar yoʻq", — deya javob qaytardi Allamjonov.
Eslatib oʻtamiz, bir necha kun oldin Komil Allamjonov yaqindan "Allamjonov aybdor" degan kitobini taqdim etgan edi. Ushbu asar Vasiylik kengashi raisining hayot yoʻlida sodir boʻlgan turli voqealarni yoritadi va unga muallifning munosabatini bildiradi. Oʻquvchilar orasida kitob turli fikr, mulohaza va baxslarga sabab boʻldi. Kimdir "kitobning maqsadi ommaga maʼqul kelish" degan xulosaga kelgan boʻlsa, boshqa kishi "ushbu kitob yoshlarga motivatsiya uchun yaxshi sabab boʻlishi mumkin" deb yozgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala