Jamiyat

Jahongir Otajonov “siyosatdan chekinib turishi” va kontsert bermoqchi ekanini maʼlum qildi

© InstgramDjaxongir Atadjanov
Djaxongir Atadjanov - Sputnik Oʻzbekiston, 1920, 11.07.2021
U butun jamoatdan, barcha vatandoshlardan, siyosatchilardan, partiyachilardan uzr soʻragan.
TOSHKENT, 11 iyul — Sputnik. Sobiq qoʻshiqchi Jahongir Otajonov hozircha siyosatdan chekinishi va onasi sharafiga kontsert berishni rejalashtirayotganini maʼlum qildi.
“15 kun boʻldi, siyosiy masalada efir qilmadim. Har efir qilganimda onamning umri besh yilga kamayib ketayotgandi. Ota-onamning har kuni yigʻlab oʻtirishi menga qimmatga tushyapti. Hatto ertaga prezident boʻlib qolsam ham ota-onamga bir narsa boʻlsa, tatimaydi.Shuning uchun men butun jamoatchilikdan uzr soʻrayman — hozircha bu siyosatdan chekinib turaman. Butun jamoatdan, barcha vatandoshlardan, siyosatchilardan, partiyachilardan uzr soʻrayman. Hozircha bu ishni davom ettira olmayman”, - dedi u Instagram’dagi sahifasiga joylangan murojaatda.
Uning soʻzlariga koʻra, olti oydan buyon ota-onasini koʻndiraman deb har kuni kurashgan. Siyosiy faoliyat oson emasligini anglab yetgan. Bu narsa uning ota-onasini juda charchatgan.
“Mendan rozi boʻlinglar. Bu yilgi prezident saylovida hammaga omad tilayman. Nimaiki boʻlsa, xalq foydasiga boʻlsin, biz duodamiz. Oʻz ishimizni davom ettiramiz”, - deydi prezidentlikka daʼvogarlik qilgan Otajonov.
U yaqin vaqt ichida "Onam uchun" deb nomlangan kontsert dasturini taqdim etishni rejalashtirayotganini qoʻshimcha qildi.
Eslatib oʻtamiz, Jahongir Otajonov 2020 yil oxirida sanʼatdan ketganini eʼlon qilgan edi. Keyinroq u navbatdagi prezidentlik saylovida davlat rahbari lavozimi uchun kurashishini maʼlum qilgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala