Iqtisod

Vazirliklar yangi dasturlar yaratish boʻyicha “yoʻl xaritasi” ishlab chiqishi kerak – prezident

© Press-slujba prezidenta UzbekistanaPrezident Uzbekistana Shavkat Mirziyoyev
Prezident Uzbekistana Shavkat Mirziyoyev - Sputnik Oʻzbekiston, 1920, 14.07.2021
Oʻzbekistonda birinchi yarim yillikda raqamli iqtisod hajmi yarim million dollardan oshgan, dasturlash xizmatlari eksporti esa 17,5 million dollarga yetgan. Prezident ushbu koʻrsatgichlarni yana 2,5 baravar oshirish mumkinligini taʼkidladi.
TOSHKENT, 14 iyul – Sputnik. Har bir vazirlik va davlat organi hududlarda yangi dasturlar yaratish boʻyicha "yoʻl xaritasi" ishlab chiqishi kerak dedi Shavkat Mirziyoyev 13 iyul kuni boʻlib oʻtgan majlisda.
– Oxirgi yillarda qilingan ishlar, albatta, oʻz natijasini berdi, xizmatlar qulay va odamlarga yaqin boʻldi. Lekin raqamli texnologiyalar kun sayin oʻzgarib, yangi-yangi imkoniyatlar ochilmoqda. Shuning uchun har bir vazirlik, davlat organi va hududlarda yangi dasturlarni joriy etish boʻyicha “yoʻl xaritasi” ishlab chiqish kerak, – dedi Shavkat Mirziyoyev.
Shuningdek, prezident, mobil ilova orqali koʻrsatiladigan davlat xizmatlari sonini 100 taga yetkazish, xususan, kommunal soha, kadastr, soliq, bojxona, pensiya va mehnatga oid maʼlumotlarni olishda qulayliklarni oshirish zarurligini taʼkidladi.
Majlisda xabar qilinishiga koʻra, Oʻzbekistonda 2021 yilning 1 yarmida raqamli iqtisod hajmi yarim million dollardan oshgan, dasturlash xizmatlari eksporti esa 17,5 million dollarga yetgan.
Shavkat Mirziyoyev ushbu koʻrsatgichlarni 2,5 baravar oshirish mumkinligini, xususan, raqamli iqtisodiyot xizmatlarini 16 trillion soʻmga, kompyuter dasturlari eksportini 40 million dollarga yetkazish mumkinligi aytib oʻtdi.
Eslatib oʻtamiz, 2020 yilda Oʻzbekiston prezidenti farmoni bilan “Raqamli Oʻzbekiston – 2030” strategiyasi tasdiqlangan edi. Unga muvofiq, 2020-2022 yillarda hududlar va tarmoqlarni raqamli transformatsiya qilish dasturlari amalga oshirilmoqda.
Xususan, tarmoqlar boʻyicha 443 ta loyiha ishlab chiqilib, bugungi kungacha 194 tasi tatbiq etildi. Hududlarda dasturdagi 1 ming 643 ta loyihadan 1 ming 172 tasi joriy qilindi.
Shuningdek, Yagona interaktiv davlat xizmatlari portali orqali 253 xil xizmatlar koʻrsatilmoqda. Joriy yilda ularni yana 60 taga koʻpaytirish, 50 dan ortiq xizmatlarni soddalashtirish moʻljallangan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala