Jamiyat

SSV aholining aksariyat qatlamini majburiy vaktsinatsiya qilish haqida qaror qabul qildi

© Press-slujba xokimiyata Almazarskogo rayona TashkentaV Tashkente nachali vaktsinatsiyu v mestax massovogo skopleniya lyudey
V Tashkente nachali vaktsinatsiyu v mestax massovogo skopleniya lyudey - Sputnik Oʻzbekiston, 1920, 18.07.2021
Oʻzbekiston bosh sanitariya vrachi 18 yoshdan katta boʻlgan va aholi bilan muloqotga kiruvchi sohalarda ishlaydigan barchani majburiy emlash toʻgʻrisida qonun qabul qildi.
TOSHKENT, 17 iyul - Sputnik. Dunyoda va Oʻzbekistonda epidemiologik vaziyatni hamda Jahon Sogʻliqni saqlash tashkiloti tavsiyanomalarini hisobga olgan holda, Oʻzbekistonda aholining 18 yoshdan katta boʻlgan aksariyat qatlamini majburiy vaktsina qilish haqida qaror qabul qildi.
Oʻzbekiston Respublikasi Bosh davlat sanitariya vrachi, Sanitariya-epidemiologik osoyishtalik va jamoat salomatligi xizmati boshligʻi Bahodir Yusupaliyevning “Oʻzbekiston Respublikasi aholisi oʻrtasida koronavirus infektsiyasining tarqalib ketishini oldini olish boʻyicha chora-tadbirlarni yanada kuchaytirish toʻgʻrisida” qarori qabul qilindi.
Unga asosan:
2021 yil 1 sentyabrgacha 18 yoshdan katta boʻlgan quyidagi toifa yoki guruhdagi aholi qatlami koronavirus infektsiyasiga qarshi 1-doza vaktsinalari;
1 oktyabrgacha 2-doza vaktsinalari;
1 noyabrgacha 3-doza vaktsinalari bilan ommaviy emlanishi (salomatligi boʻyicha qarshi koʻrsatma boʻlgan hollar bundan mustasno) shartligi belgilandi.
Ular quyidagilar:
aholi bilan muloqotga kiruvchi barcha turdagi xizmat koʻrsatish obʼyektlarining (davlat xizmatlari markazlari, pochta boʻlinmalari, banklar, lizing tashkilotlari, notariuslar, sugʻurta kompaniyalari, goʻzallik salonlari, sartaroshxonalar va boshqalarning) xodimlari;
barcha turdagi savdo obʼyektlarining (oziq-ovqat, xoʻjalik mollari, kiyim-kechak doʻkonlarining, dorixonalarning va boshqalarning) xodimlari;
sport maktablarining hamda sport inshootlarining xodimlari;
madaniy hamda koʻngilochar obʼyektlarning va dam olish maskanlarining xodimlari;
mehmonxonalarning, uy mehmonxonalarining, xostellarning, otellarning, yotoqxonalarning va kempinglarning ishchi-xodimlari;
yoʻlovchi tashish bilan shugʻullanuvchi davlat va nodavlat tashkilotlarning xodimlari;
davlat va nodavlat taʼlim muassasalarining xodimlari;
harbiy xizmatchilar;
umumiy ovqatlanish korxonalarining, xususan, jamoat joylarida joylashgan tezkor ovqatlanish shoxobchalarining, choyxonalar, toʻyxonalar, kafelar va restoranlarning xodimlari, shu jumladan, mahsulotlarni yetkazib berish bilan shugʻullanuvchilar;
barcha turdagi davlat va nodavlat tibbiyot va tibbiy-ijtimoiy obʼyektlarning xodimlari;
kommunal xizmat sohasi xodimlari;
aloqa va telekommunikatsiya obʼyektlarining xodimlari;
davlat hokimiyati va boshqaruvi organlarining xodimlari;
huquqni muhofaza qiluvchi organlarining xodimlari.
Eslatib oʻtamiz, soʻnggi sutka davomida Oʻzbekistonda koronavirusga chalinganlar soni 500 kishi, pnevmoniyaga chalinganlar soni 406 kishini tashkil qilgan edi. Vafot etganlar 4 kishini tashkil qilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala