Jamiyat

Oʻzbek-xitoy vaktsinasi: Otabekov internetda tarqalgan mish-mishlarga munosabat bildirdi

© Sputnik / Fotobankka oʻtishMedik gotovit shprits s vaktsinoy
Medik gotovit shprits s vaktsinoy - Sputnik Oʻzbekiston, 1920, 20.07.2021
Nurmat Otabekov oʻzbek-xitoy vaktsinasi haqida ijtimoiy tarmoqlarda tarqalgan xabarlar yuzasidan munosabat bildirdi.
TOSHKENT, 20 iyul — Sputnik. Sanitariya-epidemiologik osoyishtalik va jamoat salomatligi xizmati boshligʻining oʻrinbosari Nurmat Otabekov oʻzbek-xitoy vaktsinasi haqida ijtimoiy tarmoqlarda tarqalgan xabarlar yuzasidan "Oʻzbekiston 24" telekanali orqali toʻgʻridan-toʻgʻri uzatilgan koʻrsatuvda munosabat bildirdi.
© Sputnik / Dilshoda RaxmatovaZamnachalnika Slujbы sanitarno-epidemiologicheskogo blagopoluchiya i obщestvennogo zdorovya (SES) Uzbekistana Nurmat Otabekov.
Zamnachalnika Slujbы sanitarno-epidemiologicheskogo blagopoluchiya i obщestvennogo zdorovya (SES) Uzbekistana Nurmat Otabekov. - Sputnik Oʻzbekiston, 1920, 20.07.2021
Zamnachalnika Slujbы sanitarno-epidemiologicheskogo blagopoluchiya i obщestvennogo zdorovya (SES) Uzbekistana Nurmat Otabekov.
“Bugun ochigʻini aytishimiz kerak, ijtimoiy tarmoqlarda vaktsinalarning umuman ijobiy taʼsiridan koʻra salbiy taʼsirini yoqlab chiqadigan, teskari taʼsiri bir ommaga tushuntirishga urinayotgan kimsalar paydo boʻlyaptiki, bugungi kunda vaktsina juda muhim, kerakli bir paytda, bu odamlarni fikrini, dunyoqarashini oʻzgartirishga ham olib kelyapti. Eʼtibor beraylik, Oʻzbekiston-Xitoy vaktsinasini oladigan boʻlsak, mana shu vaktsina boʻyicha bugun turli xil mish-mishlar, yolgʻon gap-soʻzlar, boʻhtonlar paydo boʻlmoqda. Bu haqda fikringizni bilmoqchimiz”, - degan savol bilan murojaat qildi tele-boshlovchi.
Otabekovning soʻzlariga koʻra, hozir Oʻzbekiston 5 mln.dan koʻproq vaktsinani ishlatdi. Ishlatilgan vaktsinaning 4 mln. dozadan koʻprogʻi Oʻzbekiston-Xitoy hamkorligida ishlab chiqarilgan vaktsina. Hammasi boʻlib respublikaga 8 mln.dan koʻproq doza vaktsina olib kelindi.
V Tashkent otgrujena pervaya partiya kitaysko-uzbekskoy vaktsinы protiv COVID-19 - Sputnik Oʻzbekiston, 1920, 27.03.2021
Jamiyat
Oʻzbekistonga xitoy-oʻzbek hammuallifligidagi vaktsinaning bir million dozasi olib kelindi
“7,5 mln. dozasi Oʻzbekiston-Xitoy vaktsinasi, 370 ming dozasi “Sputnik V” vaktsinasi, 710 ming dozasi AstraZeneca vaktsinasi. Oʻzbekistonga olib kelingan vaktsinalarning hammasi bir xil vaktsina – rekombinat oqsil asosida tayyorlangan vaktsinalar. Demak, Oʻzbekiston hududida qoʻllanilayotgan vaktsinalar bu ham xavfsizlik, ham sifat nuqtai nazaridan toʻliq talablarga javob beradigan vaktsina.
Vaktsina haqida, samarasi, uni qoʻllash haqida fikrlarga keladigan boʻlsak, ming afsuski hozirgi paytda epidemiologiya, viruslogiya, immunologiya, yuqumli kasalliklar sohalaridan uzoq sohada ishlaydigan odamlar nimagadur bu ish bilan mashgʻul boʻlishga odat qildi. Keyingi paytlarda hatto tibbiyot xodimlari ichida, tibbiyot xodimlari orasida nufuzli shaxslar tomonidan ham vaktsinalarni qoralab chiqish, bunga esa asos sifatida vaktsinalarga shubha bilan qarash, oldinga bir fikr surayotganlar bor.
Bilasizmi, bir narsaga aniqlik kiritadigan paytimiz keldi, balkim biz u darajada urgʻu bermaganligimiz uchun ham keyingi paytlarda bu kabi gaplarni paydo boʻlishiga asos qolgan", - dedi Otabekov.
Uning soʻzlariga koʻra, oʻtgan yili kasallik avjiga chiqqan paytda Oʻzbekiston va Xitoy hamkorlikni boshladi. XXR Fan akademiyasiga qarashli mikrobioligiya instituti olimlari bilan Innovatsion rivojlanish vazirligi qoshidagi ilgʻor texnologiyalar markazi olimlari hamkorlikda ishlarni boshladi.
23 aprelya v Uzbekistan bыla dostavlena pervaya partiya vaktsinы Sputnik V - Sputnik Oʻzbekiston, 1920, 15.07.2021
Jamiyat
Oʻzbekistonga “Sputnik V” vaktsinasining yana 90 ming dozasi keltirildi
"Albatta bu ishlarni har bittasida teg negizida vaktsinani yaratish boʻldi. Oxir-oqibat mana shu hamkorlikda tayyorlangan vaktsina Oʻzbekiston hududiga olib kelinib, Oʻzbekiston hududida 7 mingdan koʻproq odamda klinik sinovlari oʻtkazilgan paytda ham xitoylik 8 nafar ekspert 4 oy mobaynida Oʻzbekistonda boʻldi va sinov jarayonlarida ishtirok etdi. Har bir emlangan odam haqida ular maʼlumotga ega boʻldi.
Vaktsinalarni amaliyotga kiritishdan avval bu qandaydir darajada sinab koʻrinadi. Oʻzbekistonda sinalgan 7 ming vaktsinani 3,5 minggi, yaʼni teng yarmi - bu platsebo. Platsebo - degani u aynan vaktsina emas, lekin sinov jarayonida samarani baholash uchun shunday usul qoʻllaniladi. Qoʻllanish natijasida vaktsinaning samaradorligi 97,2 % deb hisoblandi”, - dedi Otabekov.
Myunxenskaya konferentsiya po bezopasnosti - Sputnik Oʻzbekiston, 1920, 13.07.2021
Dunyoda
Koronavirus bilan bogʻliq vaziyat vaktsina yetishmovchiligi tufayli yomonlashmoqda – BSST
Otabekov taʼkidlashicha, ayrim odamlarimizda - nima uchun Oʻzbekiston xalqida klinik sinovdan oʻtkazildi? - degan fikrlar mavjud.
"Aslida unday emas, Oʻzbekiston-Xitoy hamkorligida ishlab chiqarilgan vaktsinani 1,5 mln. dozasi Xitoyda klinik sinovlardan oʻtkazilgan. Bor yoʻgʻi 7 ming koʻngillilar Oʻzbekistonda sinovdan oʻtkazildi", - dedi Otabekov.
Bundan tashqari, vaktsinalarni juda qisqa muddatda paydo boʻlganiga ham qandaydir shubhalar bilan qarash boʻlyapti.
"Aslini olganda biz zamondan orqada qolishimiz kerak emas, hozir bilamizki, vaktsinalarni bir necha turlari bor. Aynan Oʻzbekistonda qoʻllanilayotgan “Sputnik V”, AstraZeneca, Oʻzbekiston-Xitoy hamkorligida ishlab chiqarilgan vaktsina ham bularni barchasi rekombinat oqsil asosida ishlab chiqarilgan vaktsinalar", - dedi Otabekov.
Taʼkilanishicha, vaktsinalarni ishlab chiqarish texnologiyasi tibbiyotga umuman biotexnologiya jarayoniga juda anchadan beri maʼlum boʻlgan.
Medik gotovit shprits s vaktsinoy - Sputnik Oʻzbekiston, 1920, 14.07.2021
Rossiya
Kreml Rossiya vaktsinalari atrofidagi vaziyat siyosiylashtirilayotgani haqida bayonot berdi
"Qariyb 30 yil oldin bu kabi texnologiyalar ishlab chiqarilgan. Shu bois biz aynan rekombinat oqsil asosida ishlatilgan virusli gepatit Vga qarshi vaktsinani 20 yildan beri ishlatib kelamiz. 20 yildan beri yangi tugʻilgan chaqaloqlarni ushbu gepatit V kasalligiga qarshi emlayapmiz, ular orasida virusli gepatit V qayd etilmayapti. Virusli gepatit V kasalligining - tserroz, saraton, jigar saratoni kabi asoratlar kuzatilmayapti. Vaktsina juda katta samara bilan ishlatilmoqda", - dedi SES rahbar oʻrinbosari.
Sogʻliqni saqlash vazirligi maʼlumotiga koʻra, 15 iyul kuni Oʻzbekistonga “Sputnik V” vaktsinasining 90 ming dozalik komponentlari olib kelingandi.
Ayni paytda respublika vaktsina zaxirasi 8 million 580 ming dozani tashkil qilmoqda. Ulardan 370 ming dozasi "Sputnik V", 710 ming dozasi AstraZeneca, 7,5 million dozasi ZF-UZ-VAC2001 vaktsinasi.
19 iyul holatiga koʻra, 5,8 million doza vaktsina emlash jarayonlarida qoʻllanildi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala