Tseremoniya otkrыtiya XXXII letnix Olimpiyskix igr - Sputnik Oʻzbekiston, 1920
Oʻzbekiston Tokio Olimpiya oʻyinlarida
23 iyuldan 8 avgustga qadar Tokioda Olimpiada oʻyinlari boʻlib oʻtadi. Unda 71 sportchidan iborat Oʻzbekiston Olimpiya terma jamoasi ishtirok etadi.

Olimpiadaning birinchi kuni muvaffaqiyatsiz oʻtdi...

© AFP / PHILIP FONGOlimpiyskiye koltsa, Tokio
Olimpiyskiye koltsa, Tokio - Sputnik Oʻzbekiston, 1920, 24.07.2021
XXXII yozgi Olimpiya oʻyinlarining birinchi kunida sportning 11 turida bellashuvlarda ishtirok etgan oʻzbkistonlik sportchilar muvaffaqiyatli natijalarga erisha olmadilar.
TOSHKENT, 24 iyul - Sputnik. Oʻzbekiston Olimpiya jamoasi uchun Tokio-2020 Olimpiadasining birinsi kuni, afsuski kutilgan natijalarni keltirmadi.
Milliy Olimpiada qoʻmitasi xabar qilishiga koʻra, natijalar quyidagicha:
Oʻq otish: 10 metrdan miltiqdan oʻq otish dasturida ishtirok etgan Muxtasar Tohirova saralashda 622.2 ochko toʻplay oldi. Bu bilan vakilamiz 33-koʻrsatkichni qayd etdi.
Qilichbozlik: sablya yoʻnalishida 19 yoshli hamyurtimiz Sherzod Mamutov ruminiyalik Yulian Teodosiuga qarshi jang olib bordi va 11:15 hisobida imkoniyatni boy berib qoʻydi.
Akademik eshkak eshish: Biroz avval akademik eshkak eshish boʻyicha vakillarimiz Sobir Safaraliyev va Shahboz Xolmirzayev Tokio-2020 Olimpiya oʻyinlaridagi birinchi chiqishlarini yakunlashdi. Yengil qayiqdagi juftlik bahslarida ishtirok etgan vakillarimiz 2000 metr masofaga kechgan dasturda 6:44.98 daqiqa natija qayd etishdi. Bu bilan ular oʻz guruhlarida toʻrtinchi oʻrinni band etishdi.
© NOK UzbekistanaBoksyor Shaxnoza Yunusova
Boksyor Shaxnoza Yunusova - Sputnik Oʻzbekiston, 1920, 24.07.2021
Boksyor Shaxnoza Yunusova
Tennis: Denis Istomin – Sumit Nagal (Hindiston). Hindistonlik Sumit Nagalga qarshi kechgan murosasiz bellashuvda vakilimiz 1:2 hisobida magʻlubiyatga uchradi. Vakilimiz ikkinchi setda gʻalaba qozonib, uchrashuvda biroz burilish yasagandek boʻldi, biroq hal qiluvchi setda hindistonlik raketka ustasiga omad kulib boqdi.
Velosport: Murodjon Xolmurodov shossedagi guruh poygasida 234 km masofada bahs olib boradi. 130 nafarga yaqin sportchi startga chiqqan bellashuvda vakilimiz 64-boʻlib marraga yetib keldi. Qayd etish joiz, ishtirokchilarning yarmi ushbu poygada finishga yetib kela olmadi.
Qilichbozlik: Malika Hakimova – Yiven Sun (Xitoy). Shpaga qurolida jang olib borgan Malika Hakimova xitoylik Yiven Sunga qarshi bahs olib bordi. Bellashuvda xitoylik qilichboz 15:10 hisobida gʻalaba qozondi.
Boks: Shahnoza Yunusova – Karolina Kosevska (Polsha). Bokschimiz Shahnoza Yunusovaga polshalik Karolina Kosevska raqiblik qildi. Yosh vakilamiz tajribali bokschiga qarshi munosib jang qildi, biroq gʻalaba polshalik bokschiga nasib etdi.
© NOK UzbekistanaBoksyor Sanjar Tursunov
Boksyor Sanjar Tursunov - Sputnik Oʻzbekiston, 1920, 24.07.2021
Boksyor Sanjar Tursunov
Boks: Sanjar Tursunov – Abdulxafid Benchabla (Jazoir). Jazoirlik Abdulxafid Benchablaga qarshi ringga koʻtarilgan vakilimiz teng kurashlar ostida kechgan jangda kichik farq bilan magʻlubiyatga uchradi. Ikkinchi raundni oʻz ustunligida oʻtkaza olgan Tursunov qolgan raundlarda tashabbusni boy berib qoʻydi.
Dzyudo: Sharofiddin Lutfillayev – Artyom Lesiuk (Ukraina) / Xose Ramos (Gvatemala). Biroz avval dzyudo bellashuvlarining -60 kg vazn toifasida Sharofiddin Lutfillayev ukrainalik Artyom Lesiukka qarshi kurashdi. Murosasiz kechgan bellashuvda Sharofiddin Lutfillayev kutilmaganda vazari bahosi bilan imkoniyatni boy berib qoʻydi va Olimpiadani tark etdi.
© NOK Uzbekistana Dzyudoist Sharofiddin Lutfullayev
Dzyudoist Sharofiddin Lutfullayev - Sputnik Oʻzbekiston, 1920, 24.07.2021
Dzyudoist Sharofiddin Lutfullayev
Sport gimnastikasi: Rasuljon Abdurahimov koʻpkurash dasturida 79.064 ochko jamgʻardi, lekin bu Olimpiadani davom ettirish uchun yetarli boʻlmadi. Gimnastikachi musobaqani 49-natija bilan tugatdi.
Oʻzbekistonlik sportchilarga muxlislik qilishda davom etamiz va boʻlajak musobaqalarda gʻalaba tilab qolamiz.
Eslatib oʻtamiz, XXXII yozgi Olimpiya oʻyinlarida 68 nafar oʻzbekistonlik sportchilar sportning 17ta turi boʻyicha ishtirok etishmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala