Jamiyat

Oʻzbekistonda BMT Nogironlar huquqlari toʻgʻrisidagi konventsiyasi kuchga kirdi

© CC0 / Unsplash / Steven HWGJenщina v invalidnom kresle
Jenщina v invalidnom kresle - Sputnik Oʻzbekiston, 1920, 30.07.2021
BMTning Nogironlar huquqlari toʻgʻrisidagi konventsiyasi XXI asrda qabul qilingan inson huquqlari toʻgʻrisidagi birinchi shartnomadir. 2021 yil fevral holatiga koʻra, BMTning 192 aʼzo-davlatidan 182 tasi ushbu xalqaro hujjatni ratifikatsiya qilgan.
TOSHKENT, 30 iyul - Sputnik. 2021 yil 28 iyulda BMTning Nogironlar huquqlari toʻgʻrisidagi konventsiyasi Oʻzbekiston Respublikasi uchun kuchga kirdi. Bu haqda Inson huquqlari boʻyicha Oʻzbekiston Respublikasi Milliy markazining matbuot xizmati
BMTning Nogironlar huquqlari toʻgʻrisidagi konventsiyasi nogironligi boʻlgan shaxslarning huquqlari tengligi, ayniqsa, ayollar va bolalarning taʼlim olishi, salomatligini saqlashi, mehnat qilishi, oʻzi va oilasi uchun yetarlicha turmush sharoitiga ega boʻlishining huquqiy kafolatlarini belgilovchi xalqaro-huquqiy hujjat. Mazkur Konventsiya BMT Bosh Assambleyasi tomonidan 2006 yil 13 dekabrda qabul qilingan va 2008 yil 3 mayda kuchga kirgan.
Oʻzbekistonda kam taʼminlanganlar, nogironlar, yoshlar, ayollar va qariyalarni ijtimoiy himoya qilish inson huquqlari va erkinliklari sohasidagi davlat siyosatining ustuvor yoʻnalishi hisoblanadi.
Rabota spetsializirovannoy shkolы dlya slepыx i slabovidyaщix detey - Sputnik Oʻzbekiston, 1920, 11.11.2020
Jamiyat
"Atrof-muhit bizni nogiron qilib qoʻyyapti" - koʻzi ojizlar jamiyati vakili
Nogironlar huquqlari toʻgʻrisidagi konventsiyani ratifikatsiya qilish jarayonida Oʻzbekiston Respublikasi tomonidan noyob tajriba qoʻllanildi. Yaʼni, xalqaro-huquqiy hujjat dastlab milliy qonunchilikka implementatsiya qilinib, shundan keyin ratifikatsiya qilindi.
Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish doirasida nogironlarning ijtimoiy himoyasi va tengligini kafolatlaydigan bir qator qonunlar qabul qilindi. 2020 yil 15 oktyabrda qabul qilingan “Nogironligi boʻlgan shaxslarning huquqlari toʻgʻrisida”gi Qonun nogironlarning huquqlarini belgilaydigan asosiy qonun hujjati hisoblanadi.
Nogironligi boʻlgan shaxslar huquqlarini jamiyat hayotining siyèsiy, ijtimoiy-iqtisodiy va madaniy sohalarida himoya qilish asosida qanday vaziyat boʻlishidan qatʼi nazar insonni, shu jumladan nogironligi borligi tufayli kamsitmaslik printsipi yotadi. Bu borada nafaqat davlat tuzilmalari, balki fuqarolik jamiyati institutlari ham faollik koʻrsatayotgani juda muhim.
Velikoretskiy krestnыy xod v Kirovskoy oblasti - Sputnik Oʻzbekiston, 1920, 09.07.2019
Jamiyat
Nogironligi boʻlgan sayyohlarga alohida eʼtibor beriladi
Bugungi kunda mamlakatda nogironlik sohasida 600 ga yaqin nodavlat notijorat tashkiloti faoliyat yuritmoqda. Ular orasida Oʻzbekiston nogironlar jamiyati, Oʻzbekiston nogironlar jamoat fondi, Oʻzbekiston Nogiron ishbilarmon ayollar milliy assotsiatsiyasi, Imkoniyati cheklangan yoshlar va bolalar markazi, Oʻzbekistondagi falaj nogiron bolalar va oʻsmirlarga yordam berish "Umr" jamoatchilik markazi, "Inklyuziv hayot" nogironlar jamoat birlashmasi, Oʻzbekiston Koʻzi ojizlar jamiyati, Oʻzbekiston karlar jamiyati kabi NNTlar bor. Ushbu nodavlat notijorat tashkilotlarining vakillari Konventsiyani ratifikatsiya qilishda faol ishtirok etdi.
Hujjatning ratifikatsiya qilinishi nogironligi boʻlgan shaxslarning huquqlarini himoya qilish sohasida zamonaviy usullar va xalqaro standartlarni joriy etishga, Konventsiyaning asosiy qoidalarini amalga oshirishga, shuningdek Barqaror rivojlanish maqsadlarining "Hech kimni ortda qoldirmang" tamoyilini amalga oshirishga yordam beradi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala