Toshkentda 1-avgustdan bir qancha avtobus yo‘nalishlari o‘zgartiriladi

© Sputnik / Ramiz BaxtiyarovOstanovka obshestvennogo transporta v Tashkente
Ostanovka obshestvennogo transporta v Tashkente - Sputnik O‘zbekiston, 1920, 30.07.2021
Obuna bo‘lish
Yo‘nalishlarni muvofiqlashtirish ishlari natijalari bo‘yicha 2021-yil 1-avgustdan boshlab, 5 ta avtobus yo‘nalishlari harakati qisqartiriladi
TOShKENT, 30-iyul - Sputnik. Toshkentdagi bir qancha avtobus yo‘nalishiga o‘zgartirish kiritilib, yangilari tashkil etiladi, deya xabar bermoqda "Toshshahartransxizmat".
Xabarga ko‘ra, 2021-yil 1-avgust kunidan boshlab, "Toshshahartransxizmat" AJ tarkibidagi avtobus saroylari tomonidan xizmat ko‘rsatilayotgan 7 ta avtobus yo‘nalishlari harakatini qisqartirish, 2 ta yangi yo‘nalish ochish, 2 ta yo‘nalish harakatiga o‘zgartirish kiritish to‘g‘risida ma’lumot berilgan edi.
Harakat yo‘nalishi qisqartirilishi rejalashtirilgan 56, 82, 103-sonli avtobus yo‘nalishlari bo‘yicha qo‘shimcha o‘rganishlarni o‘tkazish zaruriyati yuzaga kelayotgani sabab, ushbu yo‘nalishlar harakati vaqtinchalik o‘zgartirishsiz qoldiriladi.
Novie avtobusi Isuzu - Sputnik O‘zbekiston, 1920, 14.06.2021
O‘zbekistonda ishlab chiqarilgan “ISUZU” avtobuslari Bishkek ko‘chalarida qatnay boshladi
Bundan tashqari, o‘tkazilgan o‘rganishlar natijalari bo‘yicha 2021-yil 1-avgust kunidan boshlab, 41, 32, 59-sonli avtobus yo‘nalishlari harakatiga ham qisman o‘zgartirishlar kiritiladi.
Jumladan:
32-sonli Sergeli 6-a dahasi–Gulobod ko‘chasi avtobus yo‘nalishining Erkin mavzesiga harakatlanishi qisqartiriladi va ushbu yo‘nalishning Sergeli 6-a mavzesidan harakatlanishi Yangi Choshtepa mavzesi orqali tashkil etiladi.
41-sonli Chilonzor 25-dahasi–Angi Choshtepa mavzesi avtobus yo‘nalishining Yangi Choshtepa mavzesidan Chilonzor buyum bozorigacha bo‘lgan oraliqdagi harakati qisqartiriladi. Endilikda 41-sonli yo‘nalish Chilonzor 25-dahasi–Chilonzor buyum bozori oralig‘ida 5 ta jadval asosida harakatlanadi.
Mashina i peshexod v Tashkente - Sputnik O‘zbekiston, 1920, 24.02.2021
Toshkentda o‘ndan ortiq ko‘chada qo‘shimcha harakat yo‘nalishlari ochiladi
Ma’lumot uchun, Yangi Choshtepa mavzesi aholisi uchun yo‘lovchi transporti xizmatlaridan foydalanishdagi uzilishlarning oldini olish maqsadida, 1-avgust kunidan ushbu mavzega 32 va 86-sonli avtobus yo‘nalishlari harakati yo‘lga qo‘yiladi.
59-sonli Sergeli 12-dahasi–Karvon bozori avtobus yo‘nalishining so‘nggi bekati Sergeli 12-dahasi bekatidan Do‘stlik 2-mavzesi avtoshohbekatiga o‘zgartiriladi. Endilikda 59-sonli yo‘nalish Do‘stlik 2-mavzesi–Karvon bozori oralig‘ida harakatlanadi.
Yo‘nalishlarni muvofiqlashtirish ishlari natijalari bo‘yicha 2021-yil 1-avgustdan boshlab, 5 ta avtobus yo‘nalishlari harakati qisqartiriladi, 4 ta avtobus yo‘nalishlarining harakatiga o‘zgartirish kiritiladi, 1 ta yangi avtobus yo‘nalishi tashkil etiladi.
Yangiliklar lentasi
0