Iqtisod

Oʻzbekiston va Turkmaniston savdo aylanmasi hajmini 1 mlrd $ ga yetkazish rejalashtirilmoqda

© Sputnik / Ramiz BaxtiyarovFlagi Uzbekistana i Turkmenistana
Flagi Uzbekistana i Turkmenistana - Sputnik Oʻzbekiston, 1920, 04.08.2021
Bundan tashqari, tomonlar Oʻzbekiston – Turkmaniston chegarasida transchegaraviy savdo zonalarini yaratish masalalari koʻrib chiqishdi.
TOSHKENT, 4 avg — Sputnik. Yaqin kelajakda Oʻzbekiston va Turkmaniston oʻrtasidagi savdo aylanmasi hajmi 1 milliard dollarga yetkazilishi kutilmoqda. Bu haqda Oʻzbekiston bosh vazirining oʻrinbosari – investitsiyalar va tashqi savdo vaziri Sardor Umurzakovning Turkmaniston Vazirlar mahkamasi raisining oʻrinbosari Serdar Berdimuhamedov bilan muzokaralari davomida maʼlum boʻldi.
Turkmanboshi shahrida shahridagi uchrashuv chogʻida tomonlar savdo-iqtisodiy, investitsiyaviy, transport va logistika, madaniy-gumanitar sohalardagi ikki tomonlama hamkorlikni chuqurlashtirishning bugungi holati va istiqbollarini muhokama qildi.
Koʻp qirrali iqtisodiy hamkorlikni kengaytirish uchun ustuvor vazifalari belgilab olindi. Oʻzaro savdoni rivojlantirish uchun shart-sharoitlar yaxshilash, shu jumladan, mavjud tarif va notarif toʻsiqlarni izchil bekor qilish hamda ikki mamlakat bozorlariga Oʻzbekiston va Turkmanistonda ishlab chiqilgan tovarlarning kirishini soddalashtirishga qaratilgan saʼy-harakatlarni birga boshlashga kelishildi.
“Ikki mamlakat iqtisodiyotlarining mavjud salohiyatini inobatga olgan holda ushbu chora-tadbirlar yaqin kelajakda Oʻzbekiston – Turkmaniston savdo aylanmasi hajmini 1 milliard dollarga yetkazish imkonini berishi bashorat qilinmoqda”, - deyilgan xabarda.
Bundan tashqari, Oʻzbekiston – Turkmaniston chegarasida transchegaraviy savdo zonalarini yaratish masalalari koʻrib chiqildi. Taʼkidlanishicha, bu ikki tomonlama savdo rivojiga qoʻshimcha turtki beradi, jumladan, qishloq xoʻjaligi va maishiy texnika, oziq-ovqat mahsulotlari, qurilish materiallari, shuningdek, neft-kimyo mahsulotlarini oʻzaro yetkazib berishni oshiradi.
Prezident Shavkat Mirziyoyev - Sputnik Oʻzbekiston, 1920, 02.08.2021
Siyosat
Prezident shu hafta Turkmanistonga boradi
Oʻzbek-turkman chegarasida transchegaraviy savdo zonalari yaratilishi Umurzakovning oʻtgan yili may oyida Turkmaniston Vazirlar mahkamasi raisining oʻrinbosari — tashqi ishlar vaziri Rashid Meredov bilan videokonferentsaloqa orqali muzokaralarida maʼlum boʻlgandi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala