Siyosat

Yoshlarni birlashtirish, oziq-ovqat xavfsizligi - Mirziyoyev MO sammitida nimalarni taklif qildi

© Press-slujba prezidenta UzbekistanaKonsultativnaya vstrecha glav gosudarstv Tsentralnoy Azii
Konsultativnaya vstrecha glav gosudarstv Tsentralnoy Azii - Sputnik Oʻzbekiston, 1920, 06.08.2021
MO sammitida Oʻzbekiston prezidentining oziq-ovqat va yoshlarni, savdo va transport, madaniyat va turizm sohalarida hamkorlikni rivojlantirishga doir takliflari.
TOSHKENT, 6 avg – Sputnik. Oʻzbekiston prezidenti Shavkat Mirziyoyev Turkmanistonda boʻlib oʻtgan Markaziy Osiyo davlatlari rahbarlarining uchinchi Maslahat uchrashuvida nutq soʻzladi.
© Press-slujba prezidenta UzbekistanaKonsultativnaya vstrecha glav gosudarstv Tsentralnoy Azii
Konsultativnaya vstrecha glav gosudarstv Tsentralnoy Azii - Sputnik Oʻzbekiston, 1920, 06.08.2021
Konsultativnaya vstrecha glav gosudarstv Tsentralnoy Azii
Oʻz nutqida Shavkat Mirziyoyev Markaziy Osiyo mintaqasi koʻlamida amalga oshirilishi maqsadga muvofiq boʻlgan quyidagi tashabbuslarni bildirdi.

Savdo-iqtisodiy aloqalar

Markaziy Osiyoda yangi oʻsish nuqtalarini, uzoq muddatli istiqbolga moʻljallangan yangi rivojlanish “drayver”larini aniqlash, mintaqa ichidagi savdoni kengaytirish zarurligi taʼkidlandi.
Ushbu maqsadda mavjud toʻsiqlarni bartaraf etish, sanoat kooperatsiyasi, innovatsiyalar va raqamli texnologiyalarni rivojlantirish natijasida qoʻshilgan qiymatning uzun zanjirlarini yaratish mumkin.
Prezident Shavkat Mirziyoyev Markaziy Osiyo davlatlari orasida Savdo-iqtisodiy hamkorlikning umumiy yoʻnalishlari toʻgʻrisidagi bitimni qabul qilish fursati kelganini aytdi.

Transport-tranzit xabi

Markaziy Osiyo ulkan transport-tranzit salohiyatiga ega va uni samarali ishga solishi kerak. Keng rivojlangan va integratsiyalashgan transport tizimi Yevroosiyo qitʼasining muhim tranzit “xab”iga aylanishga qodir.
Shavkat Mirziyoyev xususan, Kaspiy dengizi portlari, yirik transchegaraviy logistika markazlarini imkon qadar toʻliq quvvat bilan ishlashini taʼminlashga chaqirdi.
Oʻzbekiston kelajakda “Termiz – Mozori Sharif – Kobul - Peshovar” transafgʻon yoʻlagi, “Xitoy – Qirgʻiziston - Oʻzbekiston” avtomobil va temir yoʻllari imkoniyatlaridan foydalanish niyatida.
Shuningdek, pandjemiya sharoitida ham sanitariya talablariga rioya qilgan holda transport qatnovlarini toʻliq tiklash muhim ekani qayd etildi.

Oziq-ovqat xavfsizligi

Pandemiya sharoitida aholini oziq-ovqat mahsulotlari bilan taʼminlashdagi muammolar oʻtkir tus olganiga eʼtibor qaratildi. Dunyoning ayrim mintaqalarida narxlar oʻsishi va asosiy oziq-ovqatlarning yetishmovchiligi kuzatilayotgani aytib oʻtildi.
Shavkat Mirziyoyev mintaqa mamlakatlari qishloq xoʻjaligi vazirlarining muntazam uchrashuvlarini oʻtkazish tashabbusini qoʻllab-quvvatlab, birinchi yigʻilish kun tartibiga oziq-ovqat xavfsizligini monitoring qilish boʻyicha mintaqaviy tizimni joriy qilish masalasini kiritish taklifini bildirdi.
Bu oziq-ovqat mahsulotlarini ishlab chiqarishni koʻpaytirish hamda ularning sifatini nazorat qilish, shu jumladan, jahon bozoriga yetkazish boʻyicha aniq yoʻnalishlar va qoʻshma dasturlarni belgilab olishga xizmat qiladi

Yoshlarni birlashtirish

Mamlakatlarimiz taraqqiyotida mintaqa aholisining aksariyat qismini tashkil etayotgan yoshlar muhim oʻrin tutishini barchamiz anglab turibmiz. Butun dunyoda yosh avlodning ongi va qalbi uchun kurash davom etayotgan bugungi kunda Markaziy Osiyo kelajagining hal qiluvchi kuchi boʻlgan yoshlarimizni vatanparvarlik, milliy va umuminsoniy qadriyatlarga hurmat ruhida tarbiyalashimiz kerak, - dedi Shavkat Mirziyoyev.
Davlatimiz rahbari kelgusi yilda Oʻzbekistonda Markaziy Osiyo yoshlari forumini oʻtkazishni taklif etdi. Bu mamlakatlarimiz hukumatlari va yoshlari oʻrtasida ishonch va doʻstlikni mustahkamlash, interfaol muloqotni yoʻlga qoʻyish uchun platforma shakllantirishda muhim qadam boʻladi.

Turizm va madaniyat

Oʻzbekiston prezidenti MO davlatlari orasida madaniy aloqalarni rivojlantirish - Xalqlar orasida qardoshlik munosabatlarini mustahkamlashning muhim omili ekanini qayd etdi.
Ushbu maqsadda MO madaniy merosiga bagʻishlangan festivallar, madaniyat va kino kunlarini oʻtkazish, birgalikda kitoblar nashr qilish taklif qilindi.
Shuningdek oʻzaro turizmni rivojlantirish ham MO xalqlarini yaqinlashtirishga xizmat qilishi taʼkidlandi. Bu borada prezident, turizm xizmatlarining butun doirasini qamrab oladigan “Bir sayohat – butun mintaqa” qoʻshma dasturini amaliy roʻyobga chiqarish taklifini ilgari surdi.
- Bugungi sammit muhim voqea – davlatlarimiz mustaqilligining oʻttiz yilligi arafasida oʻtayotgani bilan alohida ahamiyat kasb etadi. Bu yillar barchamiz uchun qiyin davr boʻldi. Asosiy xulosa shuki, birgalikda, jips boʻlib, bir-birimizni qoʻllab-quvvatlab, oldimizda turgan muammolarning yechimiga erishamiz, mintaqaning barqaror taraqqiyoti va aholi farovonligini yuksaltiramiz. Boshqa muqobil yoʻl yoʻq! – dedi Prezident Shavkat Mirziyoyev.
“Avaza” milliy sayyohlik zonasida boʻlib oʻtgan Maslahat uchrashuvida Turkmaniston Prezidenti Gurbanguli Berdimuhamedov raislik qildi. Sammitda Qozogʻiston Respublikasi Prezidenti Qasim-Jomart Toqayev, Qirgʻiz Respublikasi Prezidenti Sadir Japarov va Tojikiston Respublikasi Prezidenti Emomali Rahmon, shuningdek, BMT Bosh kotibining Markaziy Osiyo boʻyicha maxsus vakili, Markaziy Osiyo uchun preventiv diplomatiya boʻyicha mintaqaviy markaz rahbari Natalya German ishtirok etdi.
Oʻzbekiston prezidentining MO davlat rahbarlari sammitida soʻzlagan nutqi batafsil quyida tanishish mumkin.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala