Siyosat

OʻzLiDeP prezidentlik saylovida Shavkat Mirziyoyev nomzodini tavsiya qildi

Shavkat Mirziyoyev - Sputnik Oʻzbekiston, 1920, 07.08.2021
TOSHKENT, 7 avg — Sputnik. Oʻzbekiston prezidenti saylovida tadbirkorlar va ishbilarmonlar harakati – Oʻzbekiston Liberal-demokratik partiyasi tomonidan mamlakatning amaldagi rahbari Shavkat Mirziyoyev nomzod sifatida ishtirok etadi. Bu OʻzLiDeP markaziy kengashining navbatdan tashqari plenumida maʼlum qilindi. Bu haqda partiya matbuot xizmati xabar bermoqda.
Shavkat Mirziyoyev 2016 yil 4 dekabr kuni boʻlib oʻtgan prezident saylovi yakunlari boʻyicha saylovchilarning 88,61 foiz ovozi bilan Oʻzbekiston prezidenti etib saylangan edi.
Oʻzbekiston prezidenti saylovi kampaniyasiga 23 iyul kuni start berildi. Saylovlarda 5 ta partiya – "Adolat" SDP, "Milliy tiklanish" DP, OʻzLiDeP, XDP va Oʻzbekiston Ekologik partiyasi oʻz nomzodini ilgari surish huquqiga ega. Saylov 24 oktyabr kuni boʻlib oʻtadi.
Eslatib oʻtamiz, avvalroq Oʻzbekiston Ekologik partiyasi tomonidan prezidentlik saylovlarida Narzullo Oblomurodov, "Adolat" sotsial-demokratik partiyasidan Bahrom Abduhalimov, "Milliy tiklanish" partiyasidan Alisher Qodirov, Xalq demokratik partiyasidan Maqsuda Vorisova nomzodlari ilgari surilishi maʼlum boʻlgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala