Siyosat

Chet davlatlarda 316ta koʻchma ovoz berish punktlari tashkil etilishi rejalashtirilgan - MSK

© Sputnik / Valeriy Melnikov / Fotobankka oʻtishMujchina golosuyet na izbiratelnom uchastke
Mujchina golosuyet na izbiratelnom uchastke - Sputnik Oʻzbekiston, 1920, 11.08.2021
Xorijiy tomonlar oʻzbek xalqi hayotidagi ushbu muhim siyosiy tadbirni oʻtkazishda har tomonlama koʻmak berishga tayyorligini bildirib, muddatidan oldin ovoz berish jarayonini oʻtkazish uchun loyiq bino va kerakli yordam berilishini aytib oʻtishgan.
TOSHKENT, 11 avg - Sputnik. 2021 yilning 11 avgust kuni Tashqi ishlar vazirligida vazirlik xodimlari va Oʻzbekistonning xorijdagi diplomatik vakolatxonalari vakillari ishtirokida “Xorijdagi Oʻzbekiston fuqarolarining saylovdagi ishtirokini keng taʼminlash: meʼyoriy-huquqiy asoslar, imkoniyatlar va mexanizmlar” mavzusida davra suhbati boʻlib oʻtdi.
Tadbirda Markaziy saylov komissiyasi raisi Zayniddin Nizomxodjayev va MSK aʼzolari ishtirok etdi.
Liderы politicheskiy partiy Uzbekistana na zasedanii TSIK, posvyaщennom startu prezidentskoy izbiratelnoy kampanii - Sputnik Oʻzbekiston, 1920, 23.07.2021
Siyosat
Oʻzbekistonni yangi prezidenti nimaga tayyor: partiyalar yetakchilari saylovoldi rejalari haqida
Davra suhbatini Oʻzbekiston tashqi ishlar vazirining oʻrinbosari Furqat Siddiqov kirish soʻzi bilan ochib berib, oldimizdagi turgan muhim siyosiy voqea – Oʻzbekiston prezidenti saylovini yuqori darajada tashkil etish, xorijda istiqomat qilayotgan Oʻzbekiston fuqarolarining saylovda faol ishtirokini taʼminlash va mazkur jarayonda Oʻzbekiston Tashqi ishlar vazirligining oʻrni hamda ahamiyati xususida soʻz yuritdi.
Taʼkidlanganidek, ushbu siyosiy jarayonni yuksak saviyada oʻtkazish, xususan, xorijdagi Oʻzbekiston fuqarolarining saylovdagi ishtirokini keng taʼminlash boʻyicha Tashqi ishlar vazirligi toomonidan ham izchil ishlar qilinmoqda.
Oʻzbekiston prezidenti sayloviga tayyorgarlik koʻrish doirasida Oʻzbekistonning diplomatik vakolatxonalari mavjud boʻlgan 38 ta davlatda 54 (55 ta dipvakolatxona, Nyu-Yorkdagi Bosh konsulxona va BMTdagi vakolatxona birga) statsionar saylov uchastkalari hamda ushbu davlatlarning 128 ta shahrida va diplomatik vakolatxonalar mavjud boʻlmagan 11 davlatda qoʻshimcha ravishda jami 316 ta koʻchma saylov uchastkasi tashkil qilinishi rejalashtirilmoqda.
Oʻzbekiston Respublikasining xorijdagi diplomatik vakolatxona va konsullik muassasalari tomonidan Oʻzbekiston prezidenti saylovini xorijda yuqori saviyada oʻtkazish maqsadida, mahalliy hokimiyat, diasporal tashkilotlar hamda oʻzbekistonlik mehnat migrantlari koʻp joylashgan korxona rahbarlari bilan uchrashuvlar oʻtkazilmoqda.
Xorijiy tomonlar oʻzbek xalqi hayotidagi ushbu muhim siyosiy tadbirni oʻtkazishda har tomonlama koʻmak berishga tayyorligini bildirib, muddatidan oldin ovoz berish jarayonini oʻtkazish uchun loyiq bino va kerakli yordam berilishini aytib oʻtishgan.
Diplomatik vakolatxonalardan toʻplangan maʼlumotlarga koʻra, chet eldagi saylovchilarning birlamchi roʻyxati shakllantirilgan.
Diplomatik vakolatxonalar tomonidan chet eldagi 151 oʻzbek diasporal tashkiloti bilan hamkorlik aloqalari oʻrnatildi. Bundan tashqari, vazirlik taklifi asosida Oʻzbekiston Tashqi mehnat migratsiyasi agentligi tomonidan 34 ta xorijdagi oʻzbek diasporasi bilan chet davlatlarda vaqtincha mehnat faoliyatini olib borayotgan Oʻzbekiston Respublikasi fuqarolarining bandligini taʼminlash va ularning huquq hamda manfaatlarini himoya qilish sohasida hamkorlik kelishuvlari imzolandi.
23 iyul kuni Oʻzbekiston Markaziy saylov komissiyasining navbatdagi yigʻilishi boʻlib oʻtgan, unda 24 oktyabr sanasi Oʻzbekiston prezidenti saylovi kuni etib belgilanganini maʼlum qilgandi. Saylov kampaniyasiga 23 iyuldan start berilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala