Rossiya afg‘on chegarasida xavf tug‘ilgan taqdirda O‘zbekistonni tashlab qo‘ymaydi – Djabarov

© Sputnik / Vladimir TrefilovPerviy zamestitel predsedatelya Komiteta Soveta Federatsii RF po mejdunarodnim delam Vladimir Djabarov
Perviy zamestitel predsedatelya Komiteta Soveta Federatsii RF po mejdunarodnim delam Vladimir Djabarov  - Sputnik O‘zbekiston, 1920, 17.08.2021
Obuna bo‘lish
TOShKENT, 17 avg – Sputnik. Rossiya O‘zbekistonni Afg‘oniston bilan chegara tomonidan xavf tug‘ilgan taqdirda tashlab qo‘ymaydi. Bu haqda Rossiya Federatsiya kengashi qo‘mitasi raisining birinchi o‘rinbosari Vladimir Djabarov ma’lum qildi.

“Afsuski, O‘zbekiston KXShT tarkibiga kirmaydi, biroq Rossiyaning Toshkent bilan yordam ko‘rsatish to‘g‘risidagi shartnomasi bor. Shu bois Afg‘oniston bilan chegara tomondan O‘zbekistonga tahdid bo‘lsa, Rossiya O‘zbekistonni tashlab qo‘ymaydi”, - dedi u Moskvaning ehtimoliy yordami haqida. Djabarovning so‘zlaridan RIA Novosti iqtibos keltirgan.

Shuningdek, rossiyalik senator Rossiya Afg‘onistondagi vaziyatni tartibga solish uchun o‘zining vositachilik say’-harakatlarini davom ettirishga tayyorligini ta’kidladi, lekin hammasi toliblarning* yaqin vaqt ichida qanday choralar ko‘rishlariga bog‘liq bo‘ladi – ular konstitutsiyaviy yo‘ldan borishadimi yoki zolimona ish tutishni boshladimi.
Djabarov Tojikistonda, ayrim OAVlar xabariga ko‘ra hozir marshal Abdul Rashid Do‘stum u yerda bo‘lib turibdi, toliblarga* qarshilik ko‘rsatish o‘chog‘i yuzaga kelishi mumkinligidan xavotir bildirdi.
Prezident Uzbekistana Shavkat Mirziyoyev - Sputnik O‘zbekiston, 1920, 17.08.2021
O‘zbekiston Afg‘onistonda tezroq tinchlik va barqarorlik o‘rnatilishidan manfaatdor – Mirziyoyev
Uning so‘zlariga ko‘ra, Tojikiston, O‘zbekiston va Qirg‘izistonning osuda aholisi bugungi afg‘on voqealarining sababi bo‘lgan AQShning Afg‘onistondagi xatti-harakatlaridan jabr ko‘rmasligi lozim.
Afg‘onistondagi vaziyat ayniqsa oxirgi haftalarda, toliblar* yirik shaharlarga hujumga o‘tishi bilan yanada og‘irlashdi. 15-avgust kuni OAV va manbalar isonchilar chegaradagi barcha o‘tish joylarini nazorat qilayotgani haqida xabar tarqata boshladilar. O‘sha kuni jangarilar Kobulga kirib, prezident saroyini o‘z nazoratiga olganini aytishdi. Afg‘oniston prezidenti Ashraf G‘ani “qon to‘kilishining oldini olish uchun” mamlakatni tark etganini ma’lum qildi. 16-avgustga o‘tar kechasi "Tolibon"* siyosiy ofisining rasmiy vakili Muhammad Naim Afg‘onistonda urush tugagani, davlatdagi boshqaruv shakli esa yaqin vaqtlarda aniq bo‘lishi haqida bayonot berdi.
* Rossiya va qator mamlakatlarda taqiqlangan terrorchilik tashkiloti
Voyennie ucheniya na poligone Xarb-maydon v Tadjikistane - Sputnik O‘zbekiston, 1920, 11.08.2021
“Qudratimizga shubha qilma”: O‘zbekiston, Tojikiston va Rossiya mashg‘ulotlari qanday o‘tdi
Yangiliklar lentasi
0