Hodisalar

Toshkentda ayol hokimiyat vakillariga qarshilik koʻrsatdi: hujjatlar sudga oshirildi

© Sputnik / Ramiz BaxtiyarovMilitsiya
Militsiya - Sputnik Oʻzbekiston, 1920, 21.08.2021
Profilaktika inspektori ayol kishiga qoʻpol munosabatda boʻlganligi holati boʻyicha Toshkent shahar IIBB rahbariyati tomonidan xizmat tekshiruvi tayinlandi.
TOSHKENT, 21 avg — Sputnik. Toshkentda hokimiyat vakillariga qarshilik koʻrsatgan ayol ustidan rasmiylashtilgan hujjatlar sudga oshirildi, deb xabar qildi IIBB matbuot xizmati.
Xabarda aytilishicha, 18 avgust kuni Yashnobod tumani IIO FMBga Jarqoʻrgʻon koʻchasida janjal boʻlayotganligi haqida xabar kelib tushgan.
Voqea joyiga yetib borgan profilaktika inspektori Z.Baimbetov 1978 yilda tugʻilgan K.Olga tomonidan tuman hokimiyati vakillariga qarshilik koʻrsatayotganligiga guvoh boʻlgan. Aniqlanishicha, “Jarqoʻrgʻon” mahalla fuqarolar yigʻini hududida “Obod mahalla” dasturi doirasida olib borilayotgan keng koʻlamdagi obodonlashtirish va koʻkalamzorlashtirish ishlarida mahallada joylashgan noqonuniy qurilmalar buzilayotgan boʻlgan.
Draka - Sputnik Oʻzbekiston, 1920, 11.08.2021
Hodisalar
Moʻynoqda futbol oʻyini vaqtida katta janjal yuzaga keldi
Shu hududda istiqomat qiluvchi K.Olgaga tegishli boʻlgan garaj noqonuniy qurilganligi sababli olib tashlashi lozimligi haqida tuman hokimiyati tomonidan u bir necha marotaba ogohlantirilgan boʻlishiga qaramasdan, garajni oʻz ixtiyori bilan olib tashlamagan, hokimiyat vakillari tomonidan buzilishiga esa qarshilik koʻrsatib, ularni haqorat qilgan va janjal koʻtargan.
Profilaktika inspektori tomonidan janjalni toʻxtatish, jamoat tartibini saqlash, vaziyatni yumshatish va holatni toʻliq oʻrganish maqsadida K.Olgaga tinchlanishi aytilgan va mahalladagi tayanch punktga taklif etilgan. Biroq K.Olga IIO xodimining qonuniy talablarini bajarmasdan, unga faol qarshilik koʻrsatgan, atrofdagi fuqarolarni oʻziga jalb qilish maqsadida baqir-chaqir qilib toʻpolon koʻtargan. Shundan soʻng profilaktika inspektori K.Olgaga kuch ishlatib xizmat mashinasiga oʻtqazgan.
K.Olgaga nisbatan Oʻzbekiston Respublikasi MJtKning 194-moddasi 1-qismi hamda 198-moddasi bilan hujjatlar rasmiylashtirilib, oʻrnatilgan tartibda koʻrib chiqishlik uchun Jinoyat ishlari boʻyicha Yashnobod tuman sudiga yuborilgan.
Profilaktika inspektori ayol kishiga qoʻpol munosabatda boʻlganligi holati boʻyicha Toshkent shahar IIBB rahbariyati tomonidan xizmat tekshiruvi tayinlangan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala