Jamiyat

Joylarda daraxtlarni saqlash boʻyicha guruhlar tashkil etiladi

© Sputnik / Ramiz BaxtiyarovChinara v mestechke Sayrob
Chinara v mestechke Sayrob - Sputnik Oʻzbekiston, 1920, 24.08.2021
Prezident joylarda mahalliy iqlimni inobatga olmasdan, pala-partish ekilgan daraxtlarining kundan-kunga qurib borayotgani, bu bilan hech kimning ishi yoʻqligini qattiq tanqid qildi.
TOSHKENT, 24 avg – Sputnik. Tuman va shahar obodonlashtirish boʻlimlariga ajratilayotgan 10 mingta shtat doirasida har bir tuman (shahar) hududidan kelib chiqib 5 ta ishchidan iborat daraxtlarni saqlash boʻyicha guruhlar tashkil etiladi. Bu haqda prezident Shavkat Mirziyoyev raisligida atrof-muhitni muhofaza qilish sohasidagi ustuvor vazifalarga bagʻishlangan videoselektor yigʻilishida maʼlum qilindi.
Keskin tanqidiy ruhda oʻtayotgan yigʻilishda davlat rahbari sohadagi muammolarni koʻrsatib oʻtdi.
Bu yoʻnalishga masʼul boʻlgan Ekologiya qoʻmitasi, boshqa idoralar va mahalliy hokimliklarning tashabbus va amaliy ishlari koʻrinmayotgani tanqid qilindi.
Taʼkidlanishicha, soʻnggi 4 yilda sanoat korxonalari 2 baravarga ortib, shaharlarda chang-gaz miqdori meʼyordan 4 baravar oshgan. Atmosferaga tashlanmalarning 90 foizi Toshkent, Samarqand, Fargʻona, Andijon, Namangan, Qoʻqon, Navoiy, Buxoro, Chirchiq, Angren, Olmaliq, Bekobod, Guliston va Nukus shaharlariga toʻgʻri keladi.
Shu bilan birga, hududlarda “yashil maydon”lar 3-4 baravarga qisqarib, oʻrtacha 8 foizdan kamayib ketdi.
Prezident Toshkent shahri tumanlari, viloyat markazlari va yirik shaharlarda daraxtlar va ekinlar mahalliy iqlimni inobatga olmasdan, pala-partish ekilayotgani bois kundan-kunga qurib borayotgani, tuman hokimlari obodonlashtirish va koʻkalamzorlashtirish ishlarini oʻz holiga tashlab qoʻygani, shahar koʻchalari chiqindiga toʻlib ketgani bilan hech kimning ishi yoʻqligini qattiq tanqid qildi.
Har bir mahallaga daraxtlarni parvarishlash uchun Jamoat ishlari jamgʻarmasi hisobidan 1 nafardan ishchi biriktirilishi belgilandi.
Alisher Maksudov - Sputnik Oʻzbekiston, 1920, 24.08.2021
Siyosat
Prezident Ekoqoʻmita raisini ishdan boʻshatdi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala