Uy sotib olish uchun boshlang‘ich badal kvartira narxining kamida 15 foizi etib belgilandi

© Sputnik / Yevgeniy Biyatov / Mediabankka o‘tishJiloy dom dlya pereseleniya po programme renovatsii v Moskve
Jiloy dom dlya pereseleniya po programme renovatsii v Moskve - Sputnik O‘zbekiston, 1920, 25.08.2021
Obuna bo‘lish
Hukumatning ayrim qarorlariga o‘zgartirish va qo‘shimchalar kiritildi.
TOShKENT, 25 avg – Sputnik. Vazirlar Mahkamasi qarori bilan Hukumatning ayrim qarorlariga o‘zgartirish va qo‘shimchalar kiritildi.
O‘zgartirishlarga muvofiq, uy-joy olish yoki yakka tartibdagi uy-joylar uchun fuqarolarga subsidiya to‘lash tartibi bo‘yicha 2020-yildagi subsidiyalar to‘lashning maqsadli mo‘ljallari doirasida subsidiyalarni to‘lash muddati 2021-yil 1-dekabrgacha uzaytirildi. Ilgari 2021-yil 1-iyulgacha edi.
Ushbu tartib doirasida uy-joylarni sotib olish uchun boshlang‘ich badal kvartira qiymatining 15 foizidan kam bo‘lmagan miqdor etib belgilandi. Ilgari shaharlarda kamida 20, qishloqlarda kamida 10 foiz edi.
Mazkur tartibga ko‘ra, daromadi yuqori bo‘lmagan oila sifatida qishloqlarda daromadi mehnatga haq to‘lashning eng kam miqdorining 3,0 baravaridan 6,9 baravarigacha, shaharlarda esa 3,0 baravaridan 8,0 baravarigacha etib belgilandi. Ilgari tegishlicha 3,8 dan 5,8 baravarigacha hamda 4,0 dan 6,5 baravarigacha edi.
Yangiliklar lentasi
0