“Men zamministrning ikkinchi xotiniman”: Toshkentda qoidabuzar ayol janjal ko‘tardi

© Sputnik / Ramiz BaxtiyarovMashina DPS
Mashina DPS - Sputnik O‘zbekiston, 1920, 26.08.2021
Obuna bo‘lish
Toshkentda qoidabuzar ayol va uning ukasi YPX xodimlariga qarshilik ko‘rsatdi
TOShKENT, 26 avg – Sputnik. Ijtimoiy tarmoqlarda Toshkentda bir ayol IIO xodimlarining qonuniy talablariga bo‘ysunmasdan o‘zini vazir o‘rinbosarining ikkinchi xotini ekanligini aytib, janjal ko‘targani aks etgan video tarqaldi. Toshkent shahar IIBB bu holat yuzasidan munosabat bildirdi.
Ma’lum qilinishicha, 30-iyul kuni Uchtepa tumani KXAY ko‘chasida o‘tkazilayotgan maxsus reyd tadbirida YPX inspektori “Nexia-3” avtomobiliga to‘xtash ishorasini bergan. Biroq haydovchi inspektorning qonuniy talabiga bo‘ysunmasdan o‘z harakatini davom ettirgan.
Ko‘rilgan chora tadbirlar natijasida mazkur transport vositasi KXAY va Farxod ko‘chalari kesishmasida to‘xtatilgan.
Avtomobil haydovchisi 25 yoshli E.M. avtotransport vositasini texnik qayd etish guvohnomasidan tashqari boshqa xujjatlarni taqdim eta olmagan.
Kulak - Sputnik O‘zbekiston, 1920, 30.06.2021
Samarqandda o‘g‘irlik qilayotgan erkak IIB xodimiga qarshilik ko‘rsatib, unga jarohat yetkazdi
Shundan so‘ng, javobgarlikdan qochib qutulish maqsadida qoidabuzar va uning 22 yoshli ukasi E.U. IIO xodimlarining faoliyatiga to‘sqinlik qilib, janjal ko‘targan.
Ushbu fuqarolarga nisbatan MJtKning tegishli moddalariga asosan mamuriy bayonnoma rasmiylashtirilgan. Avtomashina esa vaqtincha jarima maydonchasiga joylashtirilgan.
Ta’kidlanishicha, huquqbuzarlik sodir etgan shaxslarga nisbatan sud tomonidan tegishli jazo choralari qo‘llanilgan.
Xabarda o‘tkazilgan tekshiruv jarayonida qoidabuzar E.M.ning hech qaysi vazir o‘rinbosariga aloqasi yo‘qligi aniqlani qo‘shimcha qilingan.
Yangiliklar lentasi
0