Iqtisod

Umumiy ovqatlanish korxonalari yil oxirigacha yer va mol-mulk soligʻidan ozod qilinadi

© Sputnik / Aleksey Mayshev / Fotobankka oʻtishRestoran
Restoran - Sputnik Oʻzbekiston, 1920, 26.08.2021
Prezident qarori bilan 2021 yil 1 sentyabrdan 31 dekabrgacha umumiy ovqatlanish korxonalari yer va mol-mulk soligʻidan ozod qilinadi.
TOSHKENT, 26 avg – Sputnik. Prezident Shavkat Mirziyoyev 25 avgust kuni “Umumiy ovqatlanish va turizm sohalarini qoʻllab-quvvatlashning qoʻshimcha chora-tadbirlari toʻgʻrisida”gi qarorga imzo chekdi.
Qarorga koʻra, koronavirus pandemiyasi davrida umumiy ovqatlanish va turizm sohalarida faoliyat yuritayotgan tadbirkorlarni qoʻllab-quvvatlash maqsadida 2021 yil 1 sentyabrdan:
2021 yil 31 dekabrgacha umumiy ovqatlanish korxonalari yuridik shaxslardan olinadigan yer soligʻi va yuridik shaxslarning mol-mulkiga solinadigan soliqni toʻlashdan ozod qilinadi;
2023 yil 1 sentyabrgacha turistik (mehmonxona) yigʻimini hisoblash va toʻlash toʻxtatiladi.
Umumiy ovqatlanish korxonalari mahalliy davlat hokimiyati organlariga ariza yubormasdan turib, soliq organlarini xabardor qilgan holda tegishli soliq va yigʻimlar boʻyicha 2021 yil 15 avgust holatiga koʻra mavjud qarzdorlikni, shuningdek, barcha soliqlar boʻyicha jarima va penyalarni 2022 yil 1 yanvardan 1 iyulga qadar foizlarni undirmasdan teng miqdorlarda kechiktirib (boʻlib-boʻlib) toʻlashi mumkin.
Restoran v Parije - Sputnik Oʻzbekiston, 1920, 09.08.2021
Jamiyat
Oʻzbekistonda kafe va restoranlarga maxsus QR-kodni koʻrsatgan holda kirish mumkin boʻladi
Shuningdek, qaror bilan tijorat banklarining umumiy ovqatlanish sohasida xizmat koʻrsatuvchi mijozlarini moliyaviy sogʻlomlashtirish uchun bank xizmatlarining turli xil instrumentlaridan foydalanib, ular qoʻshimcha qoʻllab-quvvatlanadi.
Eslatib oʻtamiz, umumiy ovqatlanish obʼyekti 2021 yil yakuniga qadar yer va mulk soligʻidan ozod qilinishi haqida Shavkat Mirziyoyev 20 avgust kuni tadbirkorlar bilan oʻtkazilgan muloqotda maʼlum boʻlgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala