TIV afg‘on qochoqlari uchun chegara ochilganini rad etdi

© Sputnik / Ramiz BaxtiyarovZdanie MID Uzbekistana
Zdanie MID Uzbekistana - Sputnik O‘zbekiston, 1920, 31.08.2021
Obuna bo‘lish
Yaqin orada O‘zbekiston-Afg‘oniston chegarasidagi “Termiz” nazorat-o‘tkazish punktini ochish ko‘zda tutilmagan.
TOShKENT, 31 avg – Sputnik. O‘zbekiston Tashqi ishlar vazirligi internetda tarqalgan “O‘zbekiston Afg‘onistondagi Tolibon rejimidan qochganlarga o‘z chegaralarini ochishga tayyorligi” haqidagi ma’lumotlarni rad etdi. Vazirlik rasmiy vakili rasmiy bayonot berdi.
Bildirilishicha, hozirda xavfsizlikni ta’minlash maqsadida O‘zbekiston-Afg‘oniston chegarasi to‘liq yopilgan va “Termiz” nazorat-o‘tkazish punktidan quruqlik orqali o‘tish amalga oshirilmayapti. Yaqin orada O‘zbekiston-Afg‘oniston chegarasidagi “Termiz” nazorat-o‘tkazish punktini ochish ko‘zda tutilmagan.
“Chegarani kesib o‘tishga bo‘lgan har qanday urinishlar, ularning sabablaridan qat’i nazar, O‘zbekiston Respublikasi qonunchiligiga muvofiq bartaraf etiladi. O‘zbekiston tomoni qator davlatlarga oxirgi 12 kun ichida Afg‘onistondan o‘z fuqarolarini evakuatsiya qilish bo‘yicha gumanitar operatsiyalarni amalga oshirishda yordam ko‘rsatib, ularning mamlakatimizga kelishi va O‘zbekistonni tark etishi faqat havo yo‘li orqali amalga oshirildi”, - deyilgan bayonotda.
Vazirlik qo‘shni mamlakatning ichki ishlariga aralashmaslik tamoyillariga qat’iy sodiqligi va qochoqlarni qabul qilmasligini yana bir bor ta’kidlagan.
“Tashqi ishlar vazirligi O‘zbekiston Respublikasi o‘z hududida afg‘on qochoqlarini qabul qilmasligini, tranzitda yordam ko‘rsatishini, ularning mamlakatda qat’iy cheklangan vaqtda bo‘lib turishini yana bir bor ma’lum qiladi”, - deyilgan xabarda.
Shavkat Mirziyoyev posetil  mestorojdenie Yoshlik-1 Almalikskogo gorno-metallurgicheskogo kombinata - Sputnik O‘zbekiston, 1920, 27.08.2021
Mirziyoyev Afg‘onistondagi vaziyat bo‘yicha munosabat bildirdi
Yangiliklar lentasi
0