Hodisalar

Bulungʻurda katta yongʻin roʻy berdi: 20ta savdo doʻkonlari yonib kulga aylandi

Yongʻin soat 01:26 batamom oʻchirilgan. Yongʻin natijasida "Bulungʻur buyum savdo kompleks" MCHJga qarashli 5 ta va unga tutash boʻlgan 15 ta savdo doʻkonlari zararlangan.
TOSHKENT, 1 sen - Sputnik. Samarqand viloyati Bulungʻur tumani "Bulungʻur buyum savdo kompleksi" MCHJda kuni kecha, 31 avgust kuni, katta yongʻin sodir boʻldi. Yigirmata savdo obʼyektlari yonib ketdi, deb xabar berdi Sputnik Oʻzbekiston muxbiriga voqeadan xabardor manba. Hozirda yongʻin bartaraf etilgan.
Telegram kanallaridan birida tarqalgan videoda olov ikki qavatli binoni qurshab olganini, hodisani telefoniga suratga olayotgan odamlar "hozir gaz ballon portlashi mumkin"ligi bois uzoqroq turish kerakligi haqida gapirishayotgani aks etgan.
Binoning yonishi 31 avgust kuni soat 23:16 da boshlangan. "Bulungʻur buyum savdo kompleks" MCHJga qarashli ikki qavatli savdo doʻkonlari yonayotgani toʻgʻrisida Favqulodda vaziyatlar boshqarmasiga xabar kelib tushgan. Ushbu holat boʻyicha yongʻin joyiga 10 ta yongʻin-qutqaruv ekipaji jalb etilgan.
Pokupatel s telejkoy, napolnennoy produktami v supermarkete v Avstrii  - Sputnik Oʻzbekiston, 1920, 20.03.2020
Londonda koronavirus tufayli marodyorlik boshlandi - video
Voqea joyiga shuningdek, Samarqand viloyati FVB boshligʻi va Bulungʻur tumani FVB boshligʻi vazifasini bajaruvchilar yetib borishgan.
Yongʻin soat 01:26 batamom oʻchirilgan.
Yongʻin elektr simining qisqa tutashuvi oqibatida kelib chiqqani taxmin qilinmoqda.
Yongʻin oqibatida 20ta doʻkon, 6ta tikuv xonasi, 2ta oshxona, 5ta oziq-ovqat doʻkoni, 7ta buyum doʻkoni - taxminan 680 kvadrat metr zararlanib, 1200 kvadrat metri saqlanib qolgani aytilmoqda.
Tikuv xonalarining birida tikuvchilik qilgan ayolning Sputnik muxbiriga maʼlum qilishicha, yongʻin haqida soat 12larda xabar topgan. Hodisa joyiga yetib kelganida, birinchi qavatdagi doʻkonlar egalari jonholatda oʻz tovarlarini yongʻin qurshab olgan binodan olib chiqishga urinib, oʻt oʻchirish mashinalari yuradigan yoʻlaklarni chiqarilayotgan tovarlar bilan toʻsib qoʻyganliklariga guvoh boʻlgan.
Doʻkonlarning aksariyatidan tovarlarni qutqarishning iloji boʻlmagan.
Shuningdek, yarim tunda, doʻkonlar egalari oʻz tovarlarini qutqarish bilan ovora boʻlgan bir vaqtda, yongʻinni tomosha qilishga kelganlarning ayrimlari chiqarilayotgan tovarlarni oʻgʻirlash, yoki shu joyning oʻzida koʻchaga chiqarilayotgan oziq-ovqat mahsulotlarini tortinmasdan olib paqqos tushirish bilan band boʻlganlar.
Hodisa oqibatida halok boʻlganlar yoʻq. Yongʻining kelib chiqish sababi va yetkazilgan moddiy zarar aniqlanmoqda. Ushbu xodisa yuzasidan tergovga qadar tekshiruv ishlari davom etmoqda.
Yangiliklar lentasi
0
Avval yangilariAvval eskilari
loader