Siyosat

Shavkat Mirziyoyev Islom taraqqiyot banki prezidentini qabul qildi - tafsilotlar

Shavkat Mirziyoyev - Sputnik Oʻzbekiston, 1920, 02.09.2021
Uchrashuvda ikki tomonlama hamkorlikni rivojlantirish masalalari yuzasidan fikr almashildi.
TOSHKENT, 2 sen - Sputnik. Oʻzbekiston prezidenti Shavkat Mirziyoyev 2 sentyabr kuni Toshkent shahrida oʻtayotgan Islom taraqqiyot banki (ITB) Boshqaruvchilar kengashining 46-yillik yigʻilishi doirasida mamlakatda boʻlib turgan Islom taraqqiyot banki prezidenti Muhammad bin Sulaymon Al-Jassirni qabul qildi.
Uchrashuv avvalida ITB prezidenti Mirziyoyev va Oʻzbekiston xalqini mamlakat mustaqilligining 30 yilligi bilan samimiy qutlab, bardavom taraqqiyot, farovonlik va ravnaq tiladi.
Mejdunarodnыy aeroport Tashkenta - Sputnik Oʻzbekiston, 1920, 31.08.2021
Siyosat
Islom rivojlanish banki prezidenti Toshkentga yetib keldi
Pandemiya boshlanganidan buyon ilk bor Bankning eng muhim tadbiri shu kunlarda poytaxtimizda jonli ravishda oʻtkazilayotgani mamnuniyat bilan qayd etildi.
Yuqori darajadagi ushbu forumda ITBga aʼzo mamlakatlar hukumatlari vakillari, xalqaro tashkilotlar rahbarlari, ishbilarmon doiralar va nufuzli ekspertlar, ommaviy axborot vositalari ishtirok etmoqda. Onlayn va offlayn shakldagi tadbirlarda 4,5 ming nafarga yaqin delegat qatnashmoqda.
Oʻzbekiston yetakchisi Muhammad Al-Jassirni ITB prezidenti lavozimiga saylangani bilan yana bir bor tabrikladi.
Ikki tomonlama hamkorlikni rivojlantirish masalalari yuzasidan fikr almashildi.
Davlat rahbari ITB bilan sheriklikning izchil kengayib borayotganini yuksak baholab, Bank Oʻzbekistondagi keng koʻlamli islohotlarning yangi dasturini qoʻllab-quvvatlayotgani va uni ilgari surishga muhim hissa qoʻshayotganini alohida qayd etdi.
Bugungi kunda amaliy hamkorlik portfeli transport, uy-joy kommunal infratuzilma, energetika, qishloq va suv xoʻjaligi, sogʻliqni saqlash, taʼlim, tadbirkorlik va boshqa ustuvor yoʻnalishlarni qamrab olgan qiymati 2,5 milliard dollarga yaqin boʻlgan 29 ta loyihadan iborat.
Uchrashuvda koʻp qirrali sheriklikni kengaytirish istiqbollariga alohida eʼtibor qaratildi.
Bu borada 2022-2025 yillarga moʻljallangan yangi hamkorlik dasturini tez fursatda qabul qilish va amalga oshirish hamda Toshkent shahrida Bankning toʻlaqonli vakolatxonasini ishga tushirish, moliyalashtirish instrumentlari samaradorligini oshirish muhim ekani taʼkidlandi.
Yangi tashkil etilayotgan Oʻzbekistonning iqtisodiy imkoniyatlarini kengaytirish jamgʻarmasi faoliyati xususiy tadbirkorlik tashabbuslarini qoʻllab-quvvatlash, yangi ish oʻrinlarini yaratish, aholi, ayniqsa, xotin-qizlar va yoshlar farovonligini oshirish uchun samarali mexanizm boʻlib xizmat qilishiga umid bildirildi.
Oʻzbekiston va ITB oʻrtasidagi strategik sheriklik va keng koʻlamli hamkorlikni rivojlantirish maqsadida oʻzaro yaqindan ishlash va faol muloqotlarni davom ettirishga kelishib olindi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala