Dunyoda

Tojikiston IIV: mamlakat afgʻon qochoqlarini qabul qilishga tayyor emas

© REUTERS / US MARINESEvakuatsiya v aeroportu Kabula
Evakuatsiya v aeroportu Kabula - Sputnik Oʻzbekiston, 1920, 02.09.2021
Tojikiston IIV rahbarining taʼikdlashicha, 20 yil ichida birorta ham xalqaro tashkilot mamlakatga qochoqlar va boshpana izlayotgan shaxslar uchun infratuzilma tashkil etishda amaliy yordam koʻrsatmagan.
TOSHKENT, 2 sen – Sputnik. Bugungi kun voqeligida Tojikiston afgʻon qochoqlarining ommaviy oqimini qabul qila olmaydi. Bu haqda respublika IIV rahbari Ramazon Rahimzoda BMT Qochoqlar ishlari boʻyicha oliy komissari vakolatxonasi (UNHCR) rahbari Mulugeta Zevdi bilan uchrashuvda maʼlum qildi.
Uchrashuvda ehtimoliy afgʻon qochoqlarini Tojikiston hududiga joylashtirish masalalari muhokama qilingan.
Bejentsы v aeroportu Kabula - Sputnik Oʻzbekiston, 1920, 01.09.2021
Afgʻonistonda vaziyat keskinlashuvi
YEI qochoqlarni qabul qiladi Afgʻoniston qoʻshnilariga moliyaviy yordam bermoqchi - OAV
Rahimzoda soʻnggi 15 yil mobaynida Tojikiston 15 mingdan ziyod afgʻonistonlik qochoqlarni qabul qilgani va toliblar Kobuldagi hokimiyatni egallab olgandan soʻng 5 ming nafarga yaqin afgʻon harbiylari tojik-afgʻon davlat chegarasini kesib oʻtganini maʼlum qildi.
U afgʻon armiyasining askar va zobitlari Tojikiston hududida biroz vaqt boʻlgandan keyin vataniga qaytishganiga aniqlik kiritdi.
Shuningdek, u Tojikiston hukumati mamlakatning turli hududlarida ehtimoliy afgʻon qochoqlarini qabul qilish va joylashtirish uchun 70 gektar yer ajratganini maʼlum qildi.
Ammo, Tojikiston IIV rahbarining taʼikdlashicha, 20 yil ichida birorta ham xalqaro tashkilot mamlakatga qochoqlar va boshpana izlayotgan shaxslar uchun infratuzilma tashkil etishda amaliy yordam koʻrsatmagan.
“Shu bois Tojikiston bugungi kun voqeiligida afgʻon qochoqlarining ommaviy oqimini qabul qila olmaydi”, - dedi Ramazon Rahimzoda.
U Tojikistonga Xatlon viloyati Jayhun tumani hududida joylashgan qochoqlarni qabul qilish va joylashtirish markazini taʼmirlash va rekonstruktsiya qilish uchun koʻmak zarurligini aytdi.
Shuningdek, tojikistonlik vazir Afgʻonistondagi siyosiy noaniqlik va oʻta salbiy gumanitar vaziyat terrorchilik tahdidi oʻsishi, qurol va narkotik kontrabandasi oqimi koʻpayishiga olib kelishi mumkinliga eʼtibor qaratdi. Bu nafaqat Markaziy Osiyo mamlakatlari, balki butun jahon hamjamiyati uchun ham xafv tugʻdiradi.
Lager dlya bejentsev - Sputnik Oʻzbekiston, 1920, 29.07.2021
Afgʻonistonda vaziyat keskinlashuvi
Tojikiston afgʻon qochoqlari uchun lager qurmoqda
Yangiliklar lentasi
0
Avval yangilariAvval eskilari
loader