Iqtisod

Oʻzbekiston davlat qarzi qariyb 860 mln dollarga koʻpaydi

Dollarы SSHA - Sputnik Oʻzbekiston, 1920, 07.09.2021
Moliya vazirligi maʼlumotlariga koʻra, davlat qarzi qoldigʻi joriy yil boshiga nisbatan 858,6 million dolllarga yoki 3,7 foizga oshgan.
TOSHKENT, 7 sen – Sputnik. Oʻzbekiston davlat qarzi 2021 yilning 1 iyul holatiga 24,2 milliard dollarni yoki yalpi ichki mahsulotga (YAIM) nisbatan 38,5 foizni tashkil etdi. Bundan Moliya vazirligi hisobotidagi raqamlar darak bermoqda.
Davlat qarzi qoldigʻi joriy yil boshiga nisbatan 858,6 mln dollarga yoki 3,7 foizga oshgan.
Shundan, davlat tashqi qarzi qoldigʻi – 21,8 milliard dollarni yoki YAIMga nisbatan 34,7 foizni;
Davlat ichki qarzi qoldigʻi – 2,4 milliard dollarni yoki YAIMga nisbatan 3,8 foizni tashkil etdi.
“Joriy yilning birinchi yarim yilligida davlat qarzi qoldigʻi 858,6 mln dollarga oshishi Oʻzbekiston Respublikasi nomidan va davlat kafolati ostida investitsiya loyihalarini va davlat byudjeti defitsitini moliyalashtirish uchun tashqi va ichki manbalardan jalb qilingan qarz mablagʻlarining oʻzlashtirilishi, qarz majburiyatlari boʻyicha asosiy qarzning soʻndirilishi hamda davlat qarzi portfeli tarkibidagi valyuta kurslaridagi oʻzgarishlar bilan bogʻliq”, - deyilgan vazirlik xabarida.
Natijada, Oʻzbekiston nomidan jalb qilingan tashqi qarz qoldigʻi 363,4 million dollarga;
Davlat kafolati ostida jalb qilingan tashqi qarz qoldigʻi 319,1 million dollarga;
Davlat tomonidan kafolatlangan hamda davlat byudjetidan qaytariladigan ichki majburiyatlar qoldigʻi $250,8 millionga oshdi.
Oʻzbekiston nomidan 2,24 trillion soʻmlik davlat qimmatli qogʻozlarini emissiya qilinishi hamda 3 trillion soʻm miqdoridagi DQQ soʻndirilishi natijasida DQQ boʻyicha qarzdorlik qoldigʻi 779,1 milliard soʻmga kamaydi.
davlat tashqi qarzi portfeli tarkibida 11,7 foizni tashkil qiluvchi valyuta – Yaponiya iyenasi 2021 yilning yanvar-iyun oylarida AQSH dollariga nisbatan 6,8 foizga qadrsizlandi.
Tashqi qarzning eng koʻpi Osiyo taraqqiyot banki (5 mlrd dollar), Jahon banki (3,8 mlrd dollar) va Yaponiya xalqaro hamkorlik agentligidan (2,2 mlrd dollar) olingan.
Yangiliklar lentasi
0
Avval yangilariAvval eskilari
loader