Iqtisod

Oʻzbekiston eksportchi korxonalarni ragʻbatlantirishga qaror qildi

CC0 / Pixabay / Konteynerы v portu, arxivnoye foto
Konteynerы v portu, arxivnoye foto - Sputnik Oʻzbekiston, 1920, 08.09.2021
"Eksportchi korxonalarni ragʻbatlantirishga oid qoʻshimcha chora-tadbirlar toʻgʻrisida" prezident farmoni imzolandi. Hujjatga koʻra tiklanish va taraqqiyot jamgʻarmasidan eksportni qoʻllab-quvvatlash jamgʻarmasiga 200 million AQSH dollari ajratilgan.
TOSHKENT, 8 sen – Sputnik. Shavkat Mirziyoyev 7 sentyabr kuni "Eksportchi korxonalarni ragʻbatlantirishga oid qoʻshimcha chora-tadbirlar toʻgʻrisida"gi farmonni imzoladi. Hujjat matni OʻzAda eʼlon qilindi.
Qayd etilishicha, farmon Respublikaning eksport salohiyatini oshirish, eksportchi korxonalarni moliyaviy qoʻllab-quvvatlashni yanada kuchaytirish, milliy mahsulotlarning tashqi bozorlardagi raqobatbardoshligini mustahkamlash va valyuta tushumlarini koʻpaytirish, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021 yil 20 avgust kuni oʻtkazilgan Prezidentning tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida qabul qilingan.
Vыpusk produktsii iz myasa indeyki - Sputnik Oʻzbekiston, 1920, 16.06.2021
Iqtisod
Rossiya Oʻzbekistonga kurka goʻshti eksport qilishni boshladi
Unga koʻra, Prezidentning 2020 yil 21 oktyabrdagi "Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida"gi farmoni va 2021 yil 13 iyuldagi "Eksport faoliyatini moliyaviy qoʻllab-quvvatlashni yanada kuchaytirish toʻgʻrisida"gi qaroriga asosan eksport bilan bogʻliq savdo operatsiyalari va eksportoldi moliyalashtirish kreditlari uchun Tiklanish va taraqqiyot jamgʻarmasidan Eksportni ragʻbatlantirish agentligi huzuridagi Eksportni qoʻllab-quvvatlash jamgʻarmasiga 200 million AQSH dollari ajratilgan. Investitsiyalar va tashqi savdo vazirligi hamda Moliya vazirligining 2021 yil 1 oktyabrdan boshlab:
Eksportni ragʻbatlantirish agentligi tomonidan yillik eksport hajmi 20 million AQSH dollaridan oshgan korxonalarga eksport bilan bogʻliq savdo operatsiyalari va eksportoldi moliyalashtirish kreditlari uchun tijorat banklari orqali bir martalik moliyaviy resurslar 5 million dollargacha miqdorda hamda bir yilgacha muddatga taqdim etilishi;
Oxirgi oʻn ikki oy davomida 1 million dollardan ortiq tayyor toʻqimachilik mahsulotlarini eksport qilgan korxonalarga asosiy va yordamchi ishlab chiqarishi uchun butlovchi buyumlar, xomashyo va materiallar olib kirishda bojxona toʻlovlarini toʻlash boʻyicha foiz hisoblanmagan hamda ularning toʻlanishini taʼminlash talab etilmagan holda 120 kunga toʻlovni kechiktirish (boʻlib-boʻlib toʻlash) imkoniyatini berish toʻgʻrisidagi takliflariga rozilik berilgan.
Chereshnya - Sputnik Oʻzbekiston, 1920, 08.06.2021
Iqtisod
Oʻzbekiston ilk bor Singapurga gilos eksport qildi
Vazirlar Mahkamasi bir oy muddatda tovarlar (ishlar, xizmatlar)ni import qilishda qoʻshilgan qiymat soligʻini toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomga tegishli oʻzgartirish va qoʻshimchalar kiritadi.
Belgilab qoʻyilishicha:
tashqi savdo operatsiyalari boʻyicha muddati oʻtgan debitor qarzdorlik uchun xoʻjalik yurituvchi subʼyektlarga nisbatan jarimalar qoʻllanilishi, shuningdek, ushbu farmon kuchga kirguniga qadar qoʻllanilgan jarimalar undirilishi 2021 yil 31 dekabrga qadar toʻxtatiladi;
2021 yil 1 oktyabrdan yuqori sifat va nazorat tizimiga ega mamlakatlardan sertifikatlangan va deklaratsiyalangan asbob-uskuna, butlovchi qismlar, xomashyo, oʻlchov vositalari, kimyoviy reagentlar, koʻtarish moslamalari va transport vositalari importida milliy sertifikat olish talabi bekor qilinadi;
- tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasiga Eksportni ragʻbatlantirish agentligi tomonidan korxonalarga eksport bilan bogʻliq savdo operatsiyalari va eksportoldi moliyalashtirish kreditlari uchun tijorat banklari orqali bir martalik moliyaviy resurslar taqdim etish tartibini tasdiqlash va oʻzgartirish kiritish huquqi beriladi.
Aleksey Tyupanov, rukovoditel bloka mejdunarodnogo biznesa PSB - Sputnik Oʻzbekiston, 1920, 07.04.2021
Oʻzbekiston Markaziy Osiyoning investitsion xabiga aylanishi mumkin – Promsvyazbank
Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi ikki hafta muddatda:
- Eksportni ragʻbatlantirish agentligi tomonidan tijorat banklariga eksport bilan bogʻliq savdo operatsiyalari va eksportoldi moliyalashtirish kreditlari uchun bir martalik moliyaviy resurslar taqdim etish tartibiga tegishli oʻzgartirishlar kiritadi;
- Yevropa mamlakatlariga qoʻshilgan qiymati yuqori boʻlgan mahsulotlarni eksport qilishda transport xarajatlarining 50 foizini kompensatsiya qilish tizimini bir yil muddatga joriy etadi;
- sertifikatlangan va deklaratsiyalangan asbob-uskuna, butlovchi qismlar, xomashyolar, oʻlchov vositalari, kimyoviy reagentlar, koʻtarish moslamalari va transport vositalari importida milliy sertifikat olish talab qilinmaydigan yuqori sifat va nazorat tizimiga ega davlatlar roʻyxatini tasdiqlaydi. Belgilanishicha, tariq (TIF TN kodlari 1008 21 000 0, 1008 29 000 0), quritilgan dukkakli ekinlardan olingan un va kukun (TIF TN kodi 1106 10 000 0), meva va yongʻoqlardan olingan un va kukun (TIF TN kodi 1106 30 900 0) eksporti uchun Oʻzbekiston Respublikasi Prezidenti yoki Vazirlar Mahkamasi ruxsati talab qilinmaydi. Shu munosabat bilan Prezidentning ayrim farmonlariga ilovaga muvofiq oʻzgartirish va qoʻshimchalar kiritiladi. Mazkur farmonning ijrosini nazorat qilish bosh vazir oʻrinbosari Sardor Umrzoqov zimmasiga yuklanadi.
Eslatib oʻtamiz, Shavkat Mirziyoyev 20 avgust kuni tadbirkorlar bilan ochiq muloqot oʻtkazgandi. Prezident oʻz nutqida kreditlashni bozor mexanizmlariga oʻtkazish haqida gapirgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala