Dunyoda

Tojikistonda amaldorlarga prezident ruxsatisiz dissertatsiya yozish taqiqlandi

Prezident Tadjikistana Emomali Raxmon - Sputnik Oʻzbekiston, 1920, 08.09.2021
Bunga soʻnggi vaqtlarda aksariyat dissertatsiyalar koʻchirmachilik yoʻli bilan yozilayotgani sabab boʻlgan.
TOSHKENT, 8 sent – Sputnik. Tojikistonda amaldorlarga dissertatsiya yozish taʼqiqlandi. Yangi tartib, Tojikiston prezidenti Emomali Rahmonning buyrugʻi bilan 7 sentyabrdan kuchga kirdi. Sputnik Tojikiston xabariga asosan.
Unda aytilishiga koʻra, bundan buyon hukumat lavozimlarida ishlaydigan amaldorlar dissertatsiya yozish uchun prezidentdan ruxsat olishlari kerak boʻladi.
Xabarda aytilishiga koʻra, bunday gʻayrioddiy tartib oʻrnatilishiga, soʻnggi vaqtlarda Tojikiston vakillari "Dissernet" ixtisoslashtirilgan portali tomonidan koʻp marotaba koʻchirmachilikda ayblanayotgani bilan bogʻliq.
Emomali Rahmon 2020 yilda olimlar va ziyolilar bilan uchrashuvda ushbu holat yuzasidan oʻz fikrini bildirgan edi.
"Bu zamonaviy texnologiyalar davrining kasalligi boʻlib, u yosh olimlar va ularning rahbarlariga yuqadi. ‘Dissernet’ portali tomonidan plagiatda ayblangan 40 nafardan ortiq olim ilmiy ishlarini iqtisodiy va ijtimoiy mutaxassisliklar, shu jumladan, siyosatshunoslik va pedagogika boʻyicha dissertatsiyalar kengashlarida himoya qilgan", — degan Tojikiston rahbari.
Ushbu qonun, barcha deputatlar, sudyalar, MSK rahbariyati, kuch ishlatar tizimlar, hukumat rahbariyati va uning aʼzolari, vazirlar va ularning oʻrinbosarlari, prezident apparati va diplomatlarga taaluqlidir.
Yangiliklar lentasi
0
Avval yangilariAvval eskilari
loader