Jamiyat

"Yashil politsiya": Oʻzbekiston tabiatni muhofaza qilishning yangi tizimini yaratmoqda

Nezakonnaya vыrubka mnogoletney chinarы v Tashkente - Sputnik Oʻzbekiston, 1920, 08.09.2021
Oʻzbekiston poytaxti va regionlari markazlarida eko-politsiya patrullari paydo boʻladi. U qanday vazifalarni oʻz zimmasiga olishi haqida Sputnik muxbiri materialida
Oʻzbekistonda ekologiya politsiyasini tashkil etish taklifi prezident Shavkat Mirziyoyev tomonidan 24 avgust kuni respublikadagi ekologik holatni yaxshilash boʻyicha oʻtkazilgan tanqidiy ruhdagi video-selektor yigʻilishida oʻrtaga tashlangan edi.
Oradan koʻp oʻtmay, respublikaning aksariyat viloyatlarida birin-ketin "yashil politsiya" patrullari paydo boʻlayotgani haqida xabarlar tarqala boshladi. Ijtimoiy tarmoqlarda bu tashabbus darhol oʻz tarafdorlarini topdi, albatta. Internet foydalanuvchilarining aksariyati "yashil politsiya" ayni vaqtida tashkil etilayotgani haqida fikrlar hozirgacha bildirilmoqda.
Lider Ekopartii Narzullo Oblomurodov izuchil situatsiyu s vыrubkom dereva - Sputnik Oʻzbekiston, 1920, 09.08.2021
Jamiyat
Daraxtni deb yuzaga kelgan janjaldan soʻng Ekopartiya rahbari hodisa joyiga bordi
Shu bilan bir qatorda aksariyat fuqarolarni "yashil politsiya" oʻzi kim va u qanday vazifani bajarishi haqida savollar qiziqtira boshladi.
Oʻzbekiston IIV matbuot-xizmati rahbari Shoxruh Gʻiyosov Sputnik Oʻzbekiston tahririyatining bu borada yuborgan soʻroviga "ayni vaqtda mamlakatda eko-politsiyani tashkil etish boʻyicha farmon loyihasi ustida ish olib borilayotgani, bu shtat tarkibiy tuzilmasi, vazifalari, qonunlarga kiritilishi nazarda tutilgan oʻzgarishlar singari masalalarni oʻz ichiga qamrab olishini" maʼlum qildi.
Gʻiyosovning soʻzlariga koʻra, farmon loyihasi ustida ish olib borilayotgan bir vaqtda, respublika regionlarida allaqachon "yashil patrullar" tizimi joriy etilishi boshlab yuborilgan. Ular qoʻshma guruhlardir.
Vыrubka mnogoletnix derevyev - Sputnik Oʻzbekiston, 1920, 03.06.2021
Jamiyat
Bu yil 1300dan ziyod tup qimmatli daraxt kesib tashlandi
"Post patrul xizmati va Davlat ekologiya va atrof-muhitni muhofaza qilish qoʻmitasi xodimlaridan iborat qoʻshma guruhlar shakllantirilmoqda. Ular hozircha joylardagi vaziyatni oʻrganish, ekologiya sohasida qonunbuzarlik holatlarini oldini olish bilan shugʻullanadi", - deya aniqlik kiritdi Gʻiyosov.
Ekologiya partiyasi markaziy kengashi raisi oʻrinbosari Saidrasul Sanginov Sputnik muxbiriga Oʻzbekistonda tashkil etilayotgan "eko-politsiya" patrullari tashabbusiga izoh berar ekan, respublikada ekologiya tizimli choralarga muhtoj holatga kelganini taʼkidladi.
Sanginovning soʻzlariga koʻra, soʻnggi vaqtlarda koʻpchilik bir holatni yaqqol kuzatmoqda - Davlat ekologiya va atrof-muhitni muhofaza qilish qoʻmitasining atrof-muhitni muhofaza qilishga kuchi yetmayapti, baʼzi vaqtlari bu ishga qoʻli ham tegmayapti. Kadrlar masalasi juda dolzarb boʻlib qolgan, deydi u.
Inventar dlya uborki ulits, arxivnoye foto - Sputnik Oʻzbekiston, 1920, 09.06.2021
Jamiyat
Toshkent viloyatida yirik eko-aktsiyaga start berilmoqda
"Ekologiya partiyasi eko-politsiya patrullarini tashkil qilish masalasini uzoq vaqtdan buyon koʻtarib kelgan. Chunki Maʼmuriy va Jinoyat kodekslarida belgilangan choralar bor, mana shu choralar amalda qoʻllanilishini oxiriga yetkazish lozim. Hozirda yozilgan, ammo undirilishi amalga oshirilmagan katta qarzdorlik mavjud. Eko-politsiya yordamida esa bu qarzdorlikni sud va boshqa mutasaddi organlar orqali undirish tezlashadi. Davlat byudjetiga qoʻshimcha mablagʻ keladi", - deya tushuntirdi Sanginov.
Ekologiya sohasida ishlagan va oʻz ismi sir qolishini istagan mutaxassisning Sputnik Oʻzbekiston muxbiriga aytishicha, bugun tizimda eng katta va ogʻriqli muammo - bu kadrlar masalasidir. Sohada faoliyat yuritadigan xodimlarning aksariyati - nomutaxassislar. Agar, eko-politsiya patrullari tashkil etish taklif qilingan ekan, bu tizimni yaratishda jahon tajribasini sinchkovlik bilan oʻrganish va puxta oʻylash kerak boʻladi. Toki "yashil posbonlar" tizimi vazifasi faqatgina yigʻilib qolgan qarzdorlikni undirib berishdan iborat boʻlib qolmasin, balki tom maʼnoda tabiatni muhofaza qilsin. Buning uchun Oʻzbekiston kadrlar tayyorlashga chuqur eʼtibor berish bilan bir qatorda, xalqaro hamkorlikni faol yoʻlga qoʻyishi kerak, dedi suhbatdosh.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala