Migratsiya

Mehnat migrantlarini Oʻzbekistonda tibbiy koʻrikdan oʻtkazish rejalashtirilmoqda

© Sputnik / Aleksey Malgavko / Fotobankka oʻtishPatsiyent vo vremya medosmotra u otolaringologa
Patsiyent vo vremya medosmotra u otolaringologa - Sputnik Oʻzbekiston, 1920, 11.09.2021
Kelajakda mehnat migrantlarni tibbiy koʻrikdan oʻtkazish va barmoq izlarini topshirish Oʻzbekistonda amalga oshirilishi mumkin.
TOSHKENT, 11 sen - Sputnik. Rossiya Federatsiyasiga ishlash maqsadida borayotgan Oʻzbekiston fuqarolari kelajakda tibbiy koʻrikdan oʻtish va barmoq izlari topshirish jarayonlarini Oʻzbekistonda amalga oshirish imkoniga ega boʻladi. Bu haqda Sputnik muxbiriga Tashqi mehnat migratsiyasi agentligi xabar qildi.
Eslatib oʻtamiz, 10-11 sentyabr kunlari Rossiya mehnat vaziri oʻrinbosari Andrey Pudov boshchiligidagi delegatsiya Oʻzbekistonga tashrif buyurgan edi. Delegatsiya tarkibida Rossiya ichki ishlar, sogʻliqni saqlash va migratsiya sohasini boshqarishga aloqador boʻlgan boshqa muassasalar vakillari ham bor edi.
Tashrif davomida Rossiya delegatsiyasi Nozim Husanov boshchiligidagi Oʻzbekiston mehnat vazirligi vakillari bilan uchrashuv oʻtkazishdi. Yopiq holda boʻlib oʻtgan muzokaralardan soʻng tomonlar quyidagi xulosalarn taqdim etishdi:
Kelajakda patent olish uchun kerak boʻladigan tibbiy koʻrik maʼlumotnomasi, Rossiyadan jalb etilgan mutaxassislar yordamida Oʻzbekistonda oʻtkaziladi;
Shuningdek, Rossiya IIV tomonidan barmoq izlari olish uskunalari Oʻzbekistonga keltirilib, tizim bilan bogʻliq ishlar shu yerning oʻzida amalga oshiriladi;
Oʻzbekiston hukumati tomonidan ham mehnat migrantlariga bir qator imtiyoz va imkoniyatlar yaratiladi.
Maʼlumot uchun, MDH fuqarolariga Rossiyada ishlash huquqini beruvchi patent olish - OITSga tekshiruv, toʻliq tibbiy koʻrikdan oʻtish, barmoq izlari topshirish, rus tili va Rossiya qonunchiligi asoslaridan imtihon topshirishi va boshqa amaliyotlar tufayli 3-4 haftagacha davom etadi. Ish faoliyatini boshlamagan va daromadi boʻlmagan fuqarolar ushbu vaqt davomida biror joyda yashab turishi, yeb-ichishi kerak boʻladi. Undan tashqari imtihon yoki tibbiy koʻrikdan oʻta olmagan fuqarolar oʻz vataniga qaytib ketishga majbur boʻlishadi.
Patent uchun kerakli tekshiruv va hujjatlarning ayrimlarini Oʻzbekistonda oʻtkazish - mehnat migrantlari uchun katta yengillik boʻlar edi. Fuqarolar Rossiyaga kelganidan soʻng tez fursatda patent olib ish faoliyatini boshlash imkoniga ega boʻlishadi.
Mehnat vazirliklari kelishuvlariga koʻra, dastlabki bosqichda ushbu tartib Toshkent shahrida amalga oshirilishi, tajriba ijobiy natija berganidan soʻng boshqa viloyatlarda ham yoʻlga qoʻyilishi mumkinligi xabar qilingan.
Eslatib oʻtamiz, Rossiya Federatsiyasining uy-joy qurilish kompaniyalari hamda yirik milliy loyihalar (kosmodrom, BAM temir yoʻli va boshqalar) qurilishida ishlash uchun 10 ming nafar migrantlarni charter poyezdlar bilan olib ketishga tayyor.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala