Dunyoda

Kovid ketdimi? Tojikistonda yangi kasallanish holati qayd etilmadi

© Sputnik / Amir IsayevJiteli goroda Dushanbe v zaщitnыx maskax na ulitse
Jiteli goroda Dushanbe v zaщitnыx maskax na ulitse - Sputnik Oʻzbekiston, 1920, 14.09.2021
Markaziy Osiyo mamlakatlaridan Tojikistonda koronavirus bilan bogʻliq vaziyat barqaror. Eng koʻp kasallanish Qozogʻistonda aniqlanmoqda.
TOSHKENT, 14 sen – Sputnik. Oʻtgan kun davomida Tojikistonda birorta ham koronavirus bilan kasallanish holati qayd etilmadi. Bu haqda mamlakat Sogʻliqni saqlash va aholini ijtimoiy himoya qilish vazirligi xabar berdi.
Shu tariqa Tojikistonda pandemiya boshlangandan buyon 17 084 ta COVID bilan kasallanish aniqlangan. Shundan 16 953 nafar bemor shifo topgan. 124 kishi virus qurboni boʻlgan.
Eslatib oʻtamiz, Tojikistonda koronavirusning ikkinchi toʻlqini 2021 yil 21 iyun kuni eʼlon qilingan. Joriy yil yanvarida esa mamlakat kasallik ustidan batamom gʻalaba qozonganini eʼlon qilgan edi.

Markaziy Osiyodagi epidemologik vaziyat

Oʻzbekistonda koronavirus bilan bogʻliq vaziyat yaxshilanmoqda. Aniqlanayotgan koronavirus bilan kasallanishning kunlik oʻsishi ketma-ket uchinchi kun 600 dan kam boʻlmoqda. 15 avgustdan boshlab bu koʻrsatkich 900 dan pasaydi, 29 avgustdan 800 dan, 2 sentyabrdan 700 dan va 11 sentyabrdan esa 600 dan pasaya boshladi.
Kecha, 13 sentyabr kuni, 531 kishida kasallik aniqlandi. Jami kasallanganlar soni 165 421 nafarni tashkil etmoqda. Shundan 157 759 kishi tuzalib ketgan. Mamlakatda 1164 bemor koviddan vafot etgan.
Qirgʻizistonda oʻtgan kun davomida 82 kishida koronavirus tasdiqlangan. Bu virusni yuqtirib olganlar soni 177 308 nafarga yetgan. Shundan 171 650 nafari sogʻayib ketgan. Qurbonlar 2576 kishini tashkil etmoqda.
Qozogʻistonda mintaqadagi boshqa mamlakatlaga qaraganda eng koʻp kasallanish aniqlanmoqda. Kecha 2801 kishida kovid tasdiqlangan. Respublikada pandemiya boshlangandan buyon 845 388 kasallangan. Shulardan 766 435 nafari koronavirusni yengishga muvaffaq boʻlgan. Jami 15 031 kishi oʻlgan.
Rasmiy maʼlumotlarga koʻra, Turkmanistonda hozirgacha koronavirus aniqlanmagan va hech kim vafot etmagan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala