Iqtisod

Tadbirkorlarning kelishib olishi osonlashadi: prezidentning yangi farmoni

© CC0 / Unsplash / Hunters RaceBiznesmen. Illyustrativnoye foto
Biznesmen. Illyustrativnoye foto - Sputnik Oʻzbekiston, 1920, 15.09.2021
Jismoniy shaxslarga qarz shartnomalarini notarial tasdiqlash orqali chet el valyutasida oʻzaro qarz berish va qaytarib olishga ruxsat beriladi.
TOSHKENT, 15 sen – Sputnik. Prezident Shavkat Mirziyoyev “Shartnomaviy munosabatlarni tubdan takomillashtirish chora-tadbirlari toʻgʻrisida”gi farmonni imzoladi.
Farmon fuqarolik-huquqiy munosabatlarni yanada takomillashtirish, ayrim shartnomalarni tuzishda oʻrnatilgan sunʼiy cheklovlarni olib tashlash, shuningdek, shartnomaviy munosabatlarda axborot tizimlaridan foydalanish uchun zarur shart-sharoitlar yaratish maqsadida qabul qilingan.
2021 yil 1 dekabrdan quyidagilar bekor qilinadi:
tijorat banklariga yetkazib berilgan mahsulot (bajarilgan ishlar, koʻrsatilgan xizmatlar) uchun toʻlovlarni uchinchi shaxslar hisobidan qabul qilishga qoʻyilgan taqiq;
davlat ulushi 50 foiz va undan yuqori boʻlgan xoʻjalik yurituvchi subʼyektlarning mahsulotlarni yetkazib berish (ishlarni bajarish, xizmatlarni koʻrsatish) toʻgʻrisida tuziladigan shartnomalarida majburiy ravishda oldindan toʻlovni belgilashga doir talab;
qishloq xoʻjaligi va chorvachilik mahsulotlari yetishtiruvchilari va tayyorlov tashkilotlari oʻrtasida tuziladigan shartnomalarda majburiy ravishda avansni belgilashga doir talab.
Endi oldindan toʻlov va avans shartnoma taraflarining kelishuviga muvofiq belgilanadi.
Shuningdek hujjatda jismoniy shaxslarga qarz shartnomalarini notarial tasdiqlash orqali chet el valyutasida oʻzaro qarz berish va qaytarib olishga ruxsat berilishi belgilangan.
Qarz shartnomasini notarial tasdiqlaganlik uchun hamda qarz shartnomasidan kelib chiqadigan pul summasini undirish boʻyicha ijro xatlarini yozib berganlik uchun undiriladigan davlat boji miqdorini ikki baravar kamaytirishni nazarda tutuvchi qonun loyihasini ishlab chiqish rejalashtirilgan.
2022 yil 1 yanvardan sud hujjatlari va boshqa organlar hujjatlarini ijro etishda mol-mulkni realizatsiya qilish boʻyicha elektron onlayn auktsionda sotuvga qoʻyilgan mol-mulk uni sotishdan tushgan pul mablagʻlari hisobidan auktsion gʻolibiga qarzlarsiz va taqiqlardan yechilgan holda topshiriladi. Bunda, mol-mulkni sotishdan tushgan pul mablagʻlari yetarli boʻlmaganda qarzdorlikni toʻlash majburiyati uning sobiq egasi – qarzdor zimmasida qoladi.
Mujchina s portfelem v rukax  - Sputnik Oʻzbekiston, 1920, 21.11.2019
Iqtisod
Oʻzbekistonda tadbirkorlarning koʻkragiga shamol tegadi
Xoʻjalik yurituvchi subʼyektlar tomonidan davlat xaridlari bilan bogʻliq tuziladigan shartnomalarda majburiy ravishda korruptsiyaga qarshi qoʻshimcha shartlar belgilanadi.
Shartnomaning tarafi va u tomonidan jalb qilingan shaxslar (yordamchi pudratchi tashkilotlar, agentlar va taraflar nazorati ostidagi boshqa shaxslar) tomonidan korruptsiyaga qarshi qoʻshimcha shartlarga rioya etilmaganda, ikkinchi taraf shartnomani bir taraflama toʻxtatib turishga, bekor qilishga hamda zararni qoplab berishni talab qilishga haqli boʻladi.
Yuridik shaxslar va yakka tartibdagi tadbirkorlar tomonidan soliq va bojxona toʻlovlari boʻyicha qarzdorlik toʻlanmaganda, soliq yoki bojxona organlari bankka toʻlovchining hisobvaraqlaridagi qarzdorlik summasiga teng miqdordagi pul mablagʻlarini muzlatib qoʻyish va ularni oʻttiz kalendar kunidan soʻng undirish toʻgʻrisidagi farmoyishni bu haqda toʻlovchini xabardor qilgan holda yuboradi.
Prezident Uzbekistana Shavkat Mirziyoyev - Sputnik Oʻzbekiston, 1920, 20.08.2021
Siyosat
"Dollar oʻrniga soʻm": Mirziyoyev tadbirkorlarga qanday yechimlar taklif etdi
Elektron tijoratda elektron savdo maydonchalari orqali mahsulotlar oldi-sotdisi amalga oshirilayotganda va boshqa sohalarda bitimlar tuzishda "eskrou" tizimi joriy etiladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala