Jamiyat

Xalqning davlatga ishonchini vaktsinalash jarayoni koʻrsatdi - adliya vaziri

© Sputnik / Ramiz BaxtiyarovRuslanbek Davletov
Ruslanbek Davletov - Sputnik Oʻzbekiston, 1920, 17.09.2021
JSST mutaxassislari aytishiga koʻra, aholining 70% emlanganidan soʻng pandemiya toʻxtashi mumkin.
TOSHKENT, 17 sen - Sputnik. Vaktsinalash jarayoni xalqning davlatga ishonchini ham koʻrsatdi, dedi Adliya vaziri Ruslanbek Davletov TDYUU oʻqituvchilari bilan boʻlgan uchrashuv chogʻida.
"Xalqning davlat organlariga ishonchi naqadar muhimligini vaktsinatsiya jarayonida koʻrdik. Qayerda, qaysi mamlakatda davlatga xalqning ishonchi yuqori boʻlsa, vaktsinatsiya darajasi shuncha yuqori boʻlyapti – bular oʻzaro toʻgʻri proportsional", - dedi vazir.
Ruslanbek Davletov aytishiga koʻra, Oʻzbekistonda ham vaktsinalash jarayoni koʻngildagidek emas, chunki vatsina xorijiy mamlakatlar bilan bir xil boʻlsa-da, odamlar orasida ishonchsizlik bor.
Maʼlumot uchun, Xitoy yaqinda 1 milliard aholsini toʻliq vaktsinalanganini maʼlum qildi. Bu ushbu mamlakat aholisining 70%ini tashkil qiladi. Rossiya, dunyoda birinchi boʻlib koronavirusga qarshi vaktsina yaratgan boʻlsa-da, aholini emlash darajasi nisbatan sust olib borilmoqda - 17 sentyabr holatiga 40 mln kishi (28% )toʻliq emlangan.
Oʻzbekistonda 7 sentyabr holatiga 9,7 mln. kishi COVID-19ga qarshi vaktsinaning kamida birinchi dozasini olgan. Bu jami emlanuvchilarning 45,4 %ini tashkil qiladi.
"Ijtimoy fikr" respublika jamoatchilik fikrini oʻrganish markazi tomonidan oʻtkazilgan soʻrov natijalariga koʻra, respondentlarning 53,2 % emlashga tayyorligini koʻrsatgan, 36,5 % emlashdan voz kechgan va 10,3 % esa hali bir toʻxtamga kelmagan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala