Jamiyat

“Skolkovo”, startap: Oʻzbekiston va Rossiya oʻrtasidagi innovatsion hamkorlik istiqbollari

© Sputnik / Valeriy Melnikov / Fotobankka oʻtish "Skolkovo"
 Skolkovo - Sputnik Oʻzbekiston, 1920, 19.09.2021
Rossiyaning “Skolkovo” innovatsion markazi bilan yaqindan aloqa oʻrnatilib, qator qoʻshma dasturlar amalga oshirilmoqda.
TOSHKENT, 19 sen — Sputnik. Oʻzbekiston Innovatsion rivojlanish vazirligi Rossiyada faoliyat yuritayotgan innovatsion markazlar va jamgʻarmalar bilan qator qoʻshma loyihalarni amalga oshirmoqda. Innovatsion rivojlanish vaziri Ibrohim Abdurahmonov Sputnik nashriga bergan intervyusida shu paytga qadar birgalikda amalga oshirilgan va yaxshi natija bergan loyihalarni sanab oʻtdi.
Vazirning soʻzlariga koʻra, Innovatsion rivojlanish vazirligi tomonidan tashkil etilgan “CAT Science” Ilmiy startaplar platformasi “Skolkovo” xorijiy akseleratorlari bilan hamkorlik oʻrnatgan boʻlib, hamkorlik doirasida oʻzbekistonlik 25 ta startap loyiha mualliflari “Softlending” dasturida ishtirok etgan. Dasturning samarali oʻtgani va erishilgan natijalarni inobatga olib, vazirlik huzuridagi Yoshlar akademiyasi aʼzolari va yosh startapchilar uchun “Softlending” dasturini davom ettirishga kelishilgan.
Predsedatel fonda Skolkovo Arkadiy Dvorkovich - Sputnik Oʻzbekiston, 1920, 05.04.2021
“Skolkovo” Oʻzbekiston innovatsion rivojlanishiga qanday hissa qoʻshmoqda
“Skolkovo” jamgʻarmasi bilan hamkorlikda “YAKlass” onlayn-loyihasi Toshkent shahrining Mirzo Ulugʻbek va Abu Ali ibn Sino nomidagi ixtisoslashtirilgan maktab-internatlari, Yunusobod tumanidagi 9-sonli umumtaʼlim maktabida ishga tushirildi. 322 nafar oʻquvchiga 2 oy mobaynida taʼlim dasturini oʻzlashtirishga yordam beruvchi “YAKlass” dasturidan bepul foydalanish imkoniyati yaratib berildi.
Shu bilan birga, “Kodvards” pilot loyihasi boʻyicha ham kelishuvlarga erishilib, maktablarga informatika fanidan dasturlash sohasini chuqurlashtirib oʻrgatish uchun codewards.ru sayti maʼlumotlari bazasiga 2 oy muddatga bepul kirish imkoniyati taqdim etildi.
“Shuningdek, jamgʻarma bilan hamkorlikda oʻtkazilishi rejalashtirilgan va pandemiya tufayli kechiktirilayotgan “Startap tur” tashkil etish rejamiz bor. “Skolkovo” jamgʻarmasi raisi Arkadiy Dvorkovich joriy yil aprel oyida Toshkentga tashrifi doirasida vazirlik faoliyati bilan tanishdi, amalga oshirilayotgan innovatsion sohadagi ishlarga yuqori baho berdi”, - dedi Ibrohim Abdurahmonov.
Bundan tashqari, RF Innovatsiyalarga koʻmaklashish jamgʻarmasi hamkorligida startap-loyihalar boʻyicha qoʻshma tanlov oʻtkazish yuzasidan tashkiliy tadbirlar amalga oshirildi. Birgalikda 3 ta qoʻshma loyiha moliyalashtirildi. Mana shu uchta gʻolib startap kompaniyalarga Oʻzbekiston tomonidan 1 mlrd soʻm va Rossiya tomonidan 12 mln rubl mablagʻli grantlar ajratildi.
Vazirning soʻzlariga koʻra, oʻtgan yili Innovatsion rivojlanish vazirligi va Rossiyaning “Yevrosiyo injiniring kompaniyasi” hamkorligida Oʻzbekistonda ilk bor “World Youth Innovation Forum — 2020” xalqaro yoshlar innovatsion forumi oʻtkazilgan. Unda 5100 nafarga yaqin yoshlar onlayn tarzda qatnashishdi. Forum doirasida mukofot jamgʻarmasi 300 mln soʻmga teng “Eng yaxshi loyihalar” tanlovi tashkil etilib, 10 nafar gʻoliblar taqdirlandi.
na forume Otkrыtыe Innovatsii - Sputnik Oʻzbekiston, 1920, 25.02.2020
Iqtisod
Skolkovo olimlari Oʻzbekistonga suvni tozalashga yordam beradi
Rossiya Fanlar Akademiyasi institutlarida Innovatsion va novatorlik gʻoyalarini qoʻllab-quvvatlash jamgʻarmasi hisobidan qisqa muddatli malaka oshirish kurslarini tashkil etish boʻyicha chora-tadbirlar koʻrilmoqda.
Hozirgi kunda malaka oshirish istagini bildirgan 120 nafarga yaqin yosh olim va tadqiqotchilardan saralab olish jarayoni davom etmoqda. Epidemiologik vaziyatning yaxshilanishi bilan, saralab olingan nomzodlar malaka oshirish uchun Rossiyaga yuboriladi.
Yangiliklar lentasi
0
Avval yangilariAvval eskilari
loader